அவதார் 2 திரைப்படம் டிஸ்னி பிளஸ் ஹாட்ஸ்டாரில் ஜூன் 7 ஆம் தேதி வெளியாகிறது.
இயக்குனர் ஜேம்ஸ் கேமரூன் இயக்கத்தில் ‘அவதார்: தி வே ஆஃப் வாட்டர்’ திரைப்படம் கடந்த ஆண்டு டிசம்பர் மாதம் 16-ஆம் தேதி திரையரங்குகளில் வெளியானது. உலகம் முழுவதும் 160-க்கும் மேற்பட்ட மொழிகளில் வெளியான இந்த திரைப்படம் வசூல் ரீதியாக பல சாதனைகளை படைத்தது.
இந்நிலையில், அவதார் 2 திரைப்படம் எப்பொழுது ஓடிடியில் வெளியாகும் என்று அனைவரும் எதிர்பார்த்துக் கொண்டிருந்த நிலையில், தற்பொழுது அவதார்: தி வே ஆஃப் வாட்டர் திரைப்படத்தின் ஓடிடி ரிலீஸ் தேதி அறிவிக்கப்பட்டுள்ளது.
அதன்படி, அவதார் 2 திரைப்படம் பிரபல ஓடிடி தளமான டிஸ்னி பிளஸ் ஹாட்ஸ்டாரில் வரும் ஜூன் மாதம் 7 ஆம் தேதி வெளியாகிறது. முன்னதாக, அவதார் படத்தின் ஓடிடி உரிமையை டிஸ்னி ப்ளஸ் ஹாட்ஸ்டார் நிறுவனம் பெரிய தொகைக்கு வாங்கியுள்ளது என்பது குறிப்பிடத்தக்கது.