ஆம்பியர் பிரைமஸ் EV-க்கு ரூ.23,000 தள்ளுபடி.! பிளிப்கார்ட் அதிரடி அறிவிப்பு.!

Ampere Primus [Image Source : carandbike]

எலெக்ட்ரிக் வாகனச்சந்தையில் முன்னணியில் இருக்கும் க்ரீவ்ஸ் எலக்ட்ரிக் மொபிலிட்டி பிரைவேட் லிமிடெட் (ஜிஇஎம்பிஎல்)-க்கு சொந்தமான ஆம்பியர் நிறுவனம், அண்மையில் அதன் அதிவேக மின்சார ஸ்கூட்டரான ஆம்பியர் பிரைமஸ் (Ampere Primus)-ஐ இந்தியாவில் அறிமுகம் செய்தது.

இந்த ஸ்கூட்டர் இப்போது இ-காமர்ஸ் இணையதளமான பிளிப்கார்ட்டில் விற்பனையாகி வருகிறது. நீங்கள் எவரேனும் இந்த ஸ்கூட்டரை வாங்கும் எண்ணத்தில் இருந்தால், தாமதப்படுத்தாமல் இப்பொழுதே வாங்குங்கள். ஏனெனில், அதன் விலையில் தள்ளுபடியானது அறிவிக்கப்பட்டுள்ளது.

அதன்படி, பிளிப்கார்ட்டில் ஆம்பியர் பிரைமஸ் ஸ்கூட்டர் மீது 16% தள்ளுபடி உள்ளது. சாதாரண நாட்களில் இந்த ஸ்கூட்டரின் விலை ரூ.1.46 லட்சம் ஆகும். ஆனால், இப்போது 16% தள்ளுபடியில் ரூ.23,455 குறைக்கப்பட்டு, ரூ.1,22,900 லட்சத்திற்கு விற்பனைக்கு உள்ளது.

இதற்கு இன்னும் சில சலுகைகளும் உள்ளன. எச்டிஎப்சி பேங்க் கிரெடிட் கார்டு மூலம் வாங்கினால் 10% தள்ளுபடி வழங்கப்படும். பிளிப்கார்ட் ஆக்ஸிஸ் பேங்க் கார்டில் 5% கேஷ்பேக் வழங்கப்படும். இதற்கு இஎம்ஐ வசதியும் உள்ளது. அதன்படி, மாதம் ரூ.4,321 என்பதில் இருந்து இஎம்ஐ தொடங்குகிறது.

இதில் டியூப்லெஸ் டயர் உடன் கூடிய அலாய் வீல் பொருத்தப்பட்டுள்ளது. டூயல் ஷாக் ரியர் சஸ்பென்ஷன், ட்ரம் பிரேக் அமைப்பு உள்ளது. புதிய ஆம்பியர் ப்ரைமஸ் இ-ஸ்கூட்டர் மிட்-மவுண்டட் மோட்டார் மூலம் இயக்கப்படுகிறது. இதை செயல்படுத்த 3 கிலோ வாட் லித்தியம் அயன் பாஸ்பேட் பேட்டரி உள்ளது.

இந்த பேட்டரியை ஒருமுறை சார்ஜ் செய்தால் 110 கி.மீ தூரம் வரை செல்ல முடியும். இதை முழுமையாக சார்ஜ் செய்ய 5 மணி நேரம் ஆகும். ப்ரைமஸ் ஸ்கூட்டர் 4.2 வினாடிகளில் 0-40 கிமீ வேகத்தை எட்டும். அதோடு மணிக்கு 77 கிமீ வேகத்தில் செல்லும் திறன் கொண்டுள்ளது. மேலும் பவர், சிட்டி, ஈகோ, மற்றும் ரிவர்ஸ் என நான்கு மோட்கள் உள்ளன.