தெலுங்கில் ரவி தேஜா நடிப்பில் உருவாகி வரும் கில்லாடி படத்தில் நடிகர் அர்ஜூன் வில்லனாக நடிக்க உள்ளதாக கூறப்படுகிறது.
தமிழ் சினிமாவில் முன்னணி நடிகர்களில் ஒருவர் ஆக்ஷன் கிங் என்று அழைக்கப்படும் அர்ஜூன். தற்போது ஹீரோக்களிலிருந்து தடம் மாறி வில்லனாகவும் நடித்து வருகிறார். சமீபத்தில் கூட விஷால் நடித்த இரும்புத்திரை படத்தில் மாஸான வில்லனாக நடித்து அனைவரையும் ஆச்சரியத்தில் ஆழ்த்தினார்.
இந்த நிலையில் இவர் தற்போது தெலுங்கு திரையுலகில் உள்ள முன்னணி நடிகருக்கு வில்லனாக நடிக்க உள்ளார் . தெலுங்கு நடிகரான ரவி தேஜா சமீபத்தில் வெளியான கிராக் படத்தின் பிளாக் பஸ்டர் வெற்றியை தொடர்ந்து ‘கில்லாடி’ படத்தில் நடித்து வருகிறார்.ஹைதராபாத்தில் நடந்து வரும் இப்படத்தின் படப்பிடிப்பில் தற்போது அர்ஜூன் இணைந்துள்ளதாக தனது இன்ஸ்டாகிராம் பக்கத்தில் தெரிவித்துள்ளார்.
