அட்லீ இயக்கத்தில் விஜய் நடித்து வெளியான ‘மெர்சல்’ திரைப்படம் புதிய மைல்கல்லைத் தொட்டு மீண்டும் ஒரு சாதனை படைத்துள்ளது.

மெர்சல் படத்தின் பாடல்களை 35 கோடியே 50 லட்சம் பேர் பார்த்து இரசித்துள்ளதாக சொனி நிறுவனம் அறிவித்துள்ளது.இதுவரை எந்த தமிழ் படத்தின் பாடலுக்கும் கிடைத்திராத பெருமை பெற்று மெர்சல் திரைப்படம் சாதனைப் படைத்துள்ளதாக மெர்சல் படக்குழு அறிவித்துள்ளது.

விஜய் இந்த படத்தில் மூன்று தோற்றத்தில் நடித்திருந்ததுடன், விஜய் ஜோடியாக நித்யா மேனன், சமந்தா, காஜல் அகர்வால் நடித்திருந்தனர்.எஸ்.ஜே.சூர்யா வில்லனாகவும், சத்யராஜ், வடிவேலு, சத்யன், கோவை சரளா உள்ளிட்ட பலரும் நடித்திருந்த இந்த படத்திற்கு ஏ.ஆர்.ரகுமான் இசையமைத்திருந்தார்.

விவேக் வரிகளில் இடம்பெற்ற ‘ஆளப்போறான் தமிழன்’ பாடல் பட்டிதொட்டி எங்கும் ஒலித்து அனைவரையும் கவர்ந்து இருந்தமையும் குறிப்பிடத்தக்கது.இதனால் உற்சாகத்தில் தளபதி விஜய் ரசிகர்கள் கொண்டாடி வருகின்றனர்..

DINASUVADU