ஆதவ் அர்ஜுனா, ராஜ்மோகனுக்கு முக்கிய பதவிகள்! தவெக தலைமை அறிவிப்பு! 

சென்னை : இன்று விஜயின் தமிழக வெற்றிக் கழக கட்சியில் ஆதவ் அர்ஜுனா, சி.டி.ஆர்.நிர்மல் குமார் உள்ளிட்ட முக்கிய நபர்கள் கட்சித் தலைவர் விஜய் முன்னிலையில் தங்களை தவெக-வில் இணைத்து கொண்டனர். அவர்களுக்கு முக்கிய பொறுப்புகளை கட்சித் தலைமை அறிவித்துள்ளது.

அதன்படி, விசிக துணை பொதுச்செயலாளராகவும், திமுக உள்ளிட்ட கட்சிகளின் தேர்தல் வியூகம் அமைக்கும் குழுவிலும் செயலாற்றி, விசிகவில் இருந்து விலகிய ஆதவ் அர்ஜுனாவுக்கு தவெக-வில் தேர்தல் பிரிவு பொதுச்செயலாளராக நியமிக்கப்பட்டுள்ளார்.

பாஜக ஐடி விங் மற்றும் அதிமுக ஐடி விங்-கில் செயலாற்றி வந்த சி.டி.ஆர்.நிர்மல் குமாருக்கு தவெக துணை பொதுச்செயலாளர் என்ற பொறுப்பு வழங்கப்பட்டுள்ளது. மேலும், இவர் தவெக ஐடி விங்-ஐ கவனித்து கொள்வர் என்றும் கூறப்படுகிறது. இதனை அடுத்து மேடை பேச்சாளர் ராஜ்மோகனுக்கு தவெக-வில் கொள்கை பரப்பு செயலாளர் பொறுப்பு வழங்கப்பட்டுள்ளது.