நடிகையுடன் டேட்டிங் செய்யும் முகமது சிராஜ் ? தீயாய் பரவும் புதிய தகவல்!

டெல்லி : சினிமாத்துறையை போல கிரிக்கெட் வீரர்கள் பற்றிய கிசு கிசு தகவல்களும் சமூக வலைத்தளங்களில் அடிக்கடி பரவுவது என்பது வழக்கமான ஒன்று. அப்படி தான் கடந்த சில நாட்களுக்கு முன்பு கூட இந்திய கிரிக்கெட் வீரர் ரிங்கு சிங் திருமண வாழ்க்கையில் இணையவுள்ளதாக தகவல்கள் வெளியாகியிருந்தது. அதனைத்தொடர்ந்து வேகப்பந்து வீச்சாளர் முகமது சிராஜ் காதலில் விழுந்துள்ளதாக செய்திகள் வெளியாகியுள்ளது.

‘ETimes’  என்கிற செய்தி நிறுவனம் வெளியீட்டு இருக்கும் தகவலைன் படி, இந்திய கிரிக்கெட் வீரர் முகமது சிராஜ் , பிரபல தொலைக்காட்சி நடிகை மகிரா ஷர்மாவுடன் காதல் உறவில் உள்ளதாகவும், கடந்த சில நாட்களாக அவர்கள் டேட்டிங் செய்து வருவதாகவும் தெரிவித்துள்ளது. முகமது சிராஜ் காதலில் விழுந்ததாக பரவும் செய்திதான் தற்போது கிரிக்கெட் உலகில் ஹாட் டாப்பிக்கான ஒரு விஷயமாக மாறியுள்ளது.

மகிரா ஷர்மா, பிக் பாஸ் சீசன் 13 நிகழ்ச்சியில் பங்கேற்றதன் மூலம் மிகவும் பிரபலமாகிவிட்டார். பிக் பாஸ் நிகழ்ச்சியில் பங்கேற்றபோது அதே நிகழ்ச்சியில் கலந்துகொண்டிட்ருந்த்த பரஸ் சப்ராவுடன் உறவில் இருந்தார், ஆனால் , இருவருக்கும் இடையே கருத்துவேறுபாடு ஏற்பட்ட காரணத்தால், கடந்த 2023 இல் அவர்கள் பிரிந்தனர். இதனையடுத்து, அவர் முகமது சிராஜை காதலித்து வருவதாக கிசு கிசுக்கப்படுகிறது.

மேலும், முகமது சிராஜ் மற்றும் மகிரா ஷர்மா இருவரும் இந்த உறவைப் பற்றி அதிகாரப்பூர்வமாக எதுவும் கூறவில்லை, எனவே இது ஒரு தனிப்பட்ட விவகாரம் ஆகும். உண்மையில் இந்த தகவல் உண்மையானதா? அல்லது வதந்தியாக பரவும் ஒரு தகவலா என்பது பற்றி அதிகாரபூர்வ அறிவிப்பு வந்தால் மட்டுமே தெரிய வரும் என்பதும் குறிப்பிடத்தக்கது.