“எல்லோருக்குமான தலைவர் அம்பேத்கர்”..தவெக தலைவர் விஜய் வெளியிடப்போகும் அம்பேத்கர் நூல்!

சென்னை : “எல்லோருக்குமான தலைவர் அம்பேத்கர்” புத்தக வெளியீட்டு விழாவானது வரும் டிசம்பர்-6ம் தேதி சென்னையில் நடைபெறவுள்ளது. இந்த விழாவில், சிறப்பு விருந்தினராக கலந்து கொள்ளும் தவெக தலைவர் விஜய் இந்நூலை வெளியிட, முன்னாள் நிதிபதியான கே.சந்துரு பெற்றுக் கொள்வார்.

மேலும், அந்த விழாவில் அந்நூலை வெளியிட்ட பிறகு விஜய் சிறப்பு உரையாற்ற இருக்கிறார். முன்னதாக அம்பேத்கரின் கொள்கைகளை கடைபிடிக்கும் கட்சியாக திகழும் விடுதலை சிறுத்தைகள் கட்சியின் தலைவரான திருமாவளவன் இந்த புத்தக வெளியிட்டு விழாவில் கலந்து கொள்ள உள்ளார் என தகவல் வெளியாகி இருந்தது.

ஆனால், தற்போது வெளியாகியுள்ள இந்த அழைப்பிதழில் விசிக திருமாவளவனின் பெயரானது இடம்பெறவில்லை. இதனால், அவர் இந்த விழாவில் கலந்து கொள்ளவில்லை என்பது உறுதியாக தெரியவந்துள்ளது.

மேலும், இந்த நிகழ்ச்சியில் விகடன் குழுமத்தின் நிர்வாக இயக்குனர் சீனிவா பா. சீனிவாசன், விடுதலை சிறுத்தைகள் கட்சியின் துணைத் தலைவர் ஆதவா அர்ஜுனா, சென்னை உயர்நீதிமன்றத்தின் முன்னாள் நீதிபதி சந்துரு, மற்றும் அம்பேத்கரின் பேரன் ஆனந்த் ஆகியோர் இந்த விழாவில் கலந்து கொள்கிறார்கள் என அறிவிக்கப்பட்டுள்ளது.