கனமழை எதிரொலி : திருச்சி பாரதிதாசன் பல்கலை தேர்வுகள் ஒத்திவைப்பு!

சென்னை : வங்கக் கடலில் நிலை கொண்டிருக்கும் ஆழ்ந்த காற்றழுத்த தாழ்வு மண்டலம், இது வடக்கு-வடமேற்கு திசையில் நகர்ந்து, வருகின்ற நவம்பர் 27-ஆம் தேதி சூறாவளி புயலாக வலுப்பெறும் என இந்திய வானிலை ஆய்வு மையம் அறிவித்துள்ளது.

இந்த ஆழ்ந்த காற்றழுத்த தாழ்வு பகுதி புயலாக மாறவுள்ளதால் பல மாவட்டங்களில் மழைக்கு வாய்ப்பு இருப்பதாக சென்னை வானிலை ஆய்வு மையம் தகவலை தெரிவித்து இருந்தது.

இந்த சூழலில், கனமழை காரணமாக நாளை நடைபெறுவதாக இருந்த திருச்சி பாரதிதாசன் பல்கலை பருவ எழுத்துத்தேர்வுகள் ஒத்தி வைக்கப்படவுள்ளதாக பல்கலைக்கழகம் அறிவித்துள்ளது.  இது குறித்து பல்கலை கீழ் இயங்கக்கூடிய கல்லூரி முதல்வர்களுக்கு பல்கலைக்கழக தேர்வு நெறியாளர் சுற்றறிக்கை அனுப்பியுள்ளார். அது மட்டுமின்றி, ஒத்திவைக்கப்பட்ட தேர்வுகளுக்கான மறுதேதி பின்னர் தெரிவிக்கப்படும் எனவும் தேர்வு நெறியாளர் ஜெயபிரகாஷ் அறிவித்துள்ளார்.