மிரட்டும் ஸ்டண்ட்ஸ்…!! வெளியானது மிஷின் இம்பாசிபிள் கடைசி பாகத்தின் தெறிக்கவிடும் டீசர்..!!

சென்னை : ஹாலிவுட் நடிகர்களில், உலகம் முழுவதும் தனது ஸ்டண்ட் காட்சிகளால் கட்டி இழுப்பவர் தான் டாம் க்ருஸ். இவர் ஸ்டண்ட் செய்யும் காட்சிகளுக்காகவே ஒரு தனி ரசிகர் பட்டாளம் இருந்து வருகிறது. மேலும், தனது ஸ்டண்ட் காட்சிகளை பிரதிபலிக்கும் ஒரு தொகுப்பாகவே மிஷன் இம்போசிபில் சீரியஸ் இருந்து வருகிறது.

இந்த சீரியசில் ஒரு படம் வெளியாகிறது என்றால் அதற்கு உலகம் முழுவதும் ஒரு எதிர்பார்ப்பு எகிறி விடும். தற்பொழுது, அந்த படத்தின் கடைசி பாகமான தி பைனல் ரெக்கோனிங் டீசரை படக்குழு வெளியிட்டுள்ளது. வழக்கம் போல டாம் கருசின் பிரமிக்கவைக்கும் சண்டை காட்சிகளும், சாகச அளவிலான ஸ்டண்ட்சும் ரசிகர்களை எதிர்பார்ப்பின் உச்சிக்கு கொண்டு சென்றுள்ளது.

அந்த அளவிற்கு உலகம் முழுவதும் அந்த படத்தின் டீஸர் பேச வைத்துள்ளது. அதற்கு மிகவும் முக்கியமான காரணம் டாம் க்ரூஸ் தான். 62 வயதிலும் அவர் எந்த வித டூப்பும் இல்லாமல் அதிவேகமாக ஓடுவதும், பறக்கும் ஹெலிகாப்டரில் தொங்குவதும் என டாம் க்ரூஸின் சண்டை காட்சிகளுக்கு பஞ்சம் இல்லாமல் இந்த படமும் உருவாகி வருகிறது.

பாரமௌண்ட் பிக்சர்ஸ் நிறுவனம் தயாரித்துள்ள இந்த படம் அடுத்தாண்டு மே மாதம் 23ம் தேதி உலகம் முழுவதும் ரிலீஸ் ஆகிறது. இந்தியாவில் ஆங்கிலம் மட்டுமின்றி தமிழ், இந்தி, தெலுங்கு, மலையாளம், கன்னடம் என பல மொழிகளில் இந்த படம் வெளியாக இருக்கிறது.

கடந்த பாகத்தில் AIயை வில்லனாக காட்டியிருப்பார்கள்.மேலும், அப்படத்தின் கிளைமாக்ஸ்ஸில் சாவியுடன் வில்லன் தப்பித்துச் செல்வது போல முடித்திருப்பார்கள். இந்த கடைசி பாகம் அதன் தொடர்ச்சியுடன் தொடங்க உள்ளது என்பது குறிப்பிடத்தக்கது.