PRSW vs SYTW : லூயிஸ் எட்கர் அபார பந்து வீச்சு! 74 ரன்கள் வித்தியாசத்தில் சிட்னி அணி படுதோல்வி!!

சிட்னி : ஆஸ்திரேலியாவின் உள்ளூர் தொடரான பிக் பாஷ் தொடரானது தற்போது நடைபெற்று வருகிறது. இதில் மகளிருக்காக நடைபெற்று வரும் இந்த தொடரின் இன்று நடைபெற்ற 24-வது போட்டியில் பெர்த் அணியும், சிட்னி அணியும் மோதியது. இரண்டு அணியும் நட்சத்திர அணி என்பதால் புள்ளிப்பட்டியலில் முதல் இடத்திற்கான போட்டியாகவே இது அமைந்தது.

இந்த போட்டியில் முதலில் டாஸ் வென்ற பெர்த் அணி முதலில் பேட்டிங் தேர்வு செய்து விளையாடியது. அதன்படி, பேட்டிங் களமிறங்கிய பெர்த் அணி தொடக்கத்தில் அதிரடியாக விளையாட திட்டமிட்டு பவர்ப்பிளேக்குள் 2 விக்கெட்டுகளை இழந்தது. இதனால், அதன் பிறகு ரன்களை மெதுவாக சேர்க்க தொடங்கியது.

அதில், ஜோடி சேர்ந்த ஹேமலதா மற்றும் டேவின் இருவரும் தேவையான நேரத்தில் பவுண்டரிகள் விளாசி ரன்களை சேகரித்தனர். இதன் காரணமாக பெர்த் அணியின் ஸ்கோர் உயர்ந்தது. அவர்களைத் தொடர்ந்து வந்த பேட்ஸ்மேன்கள் பெரிதாக ரன்களை எடுக்கவில்லை. இதனால், 20 ஓவர்கள் பேட்டிங் செய்த பெர்த் அணி 7 விக்கெட்டுகள் இழந்து 171 ரன்கள் சேர்த்தது.

பெர்த் அணியில் சிறப்பாக விளையாடிய ஹேமலதா 26 பந்துக்கு 41 ரன்களும், டேவின் 34 பந்துக்கு 48 ரன்களும் அதிகபட்சமாக எடுத்திருந்தனர். சிட்னி அணியில் சாமரி அதபத்துவும், இஸ்மாயிலும் தலா 2 விக்கெட்டுகளைக் கைப்பற்றி இருந்தனர். அதனைத் தொடர்ந்து, 172 என்ற இலக்கை நோக்கி களமிறங்கியது சிட்னி தண்டர்ஸ் அணி.

சரியான திட்டம் வகுக்காமல் விளையாடியதால் சிட்னி அணியால், பெர்த் அணியின் பந்து வீச்சை சமாளிக்க முடியாமல் திணறியது. இதன் காரணமாக, சிட்னி அணி ரன்களும் சேர்க்க முடியாமல் தத்தளித்தது. மேலும், சிட்னி அணியின் கேப்டனான ஃபோப் லிட்ச்ஃபீல்ட் மட்டும் நிலைத்து சிறுது நேரம் விளையாடினார். ஆனால், அவரும் 27 ரன்கள் மட்டுமே எடுத்தார்.

மேற்படி, சிட்னி அணியில் எந்த வீராங்கனையும் சிறப்பாக விளையாடவில்லை. இதன் காரணமாக, 19.3 ஓவர்களில் 10 விக்கெட்டையும் இழந்து வெறும் 93 ரன்கள் மட்டுமே எடுத்தது. பெர்த் அணியில் சிறப்பாக பந்து வீசிய லூயிஸ் எட்கர் 3 விக்கெட்டுகள் கைப்பற்றி அசத்தினார்.

இதனால், 74 ரன்கள் வித்தியாசத்தில் பெர்த் அணி இந்த போட்டியில் வெற்றி பெற்றது. மேலும், 2 தோல்வி, 4 வெற்றி , 8 புள்ளிகளுடன் புள்ளிபட்டியலில் சிட்னி அணி முதல் இடத்திலும், அதே 2 தோல்வி, 4 வெற்றி , 8 புள்ளிகளுடன் புள்ளிபட்டியலில் 2-வது இடமும் பிடித்து தொடரில் நீடித்து வருகின்றனர்.