தமிழகத்தில் விடப்பட்ட ‘மஞ்சள் எச்சரிக்கை’ முதல் ..முதல்வர் திறந்து வைத்த தொழில்நுட்ப பூங்கா வரை!

இன்றைய நாளின் முக்கிய நிகழ்வுகளின் செய்தி தொகுப்புகள் கீழே கொடுக்கப்பட்டு வருகிறது.

by பால முருகன்Posted on November 5, 2024November 5, 2024

சென்னை : தமிழகத்தில், நவம்பர் – 5 (இன்று), 7, 8 மற்றும் 9 ஆகிய தேதிகளில் கனமழைக்கு வாய்ப்பு இருப்பதன் காரணமாக இந்த நாட்களில் ‘மஞ்சள் எச்சரிக்கை’ விடுத்துள்ளது வானிலை ஆய்வு மையம். மேலும், மன்னார் வளைகுடா மற்றும் அதனை ஒட்டிய கீழடுக்கு சுழற்சி நிலவுவதால் தமிழகத்தில் தூத்துக்குடி, நெல்லை, தென்காசி மற்றும் கன்னியாகுமாரி ஆகிய மாவட்டங்களில் மிதமான மழை பெய்ய வாய்ப்பு இருப்பதாக வானிலை ஆய்வு மையம் தெரிவித்துள்ளது.

அரசாங்க முறை 2 நாள் பயணமாக சென்னையிலிருந்து கோவை சென்ற முதலமைச்சர் ஸ்டாலின், கோவை விளாங்குறிச்சியில் எல்காட் நிறுவனம் சார்பில் ரூ.114.16 கோடியில் கட்டப்பட்ட புதிய தகவல் தொழில்நுட்ப பூங்கா கட்டிடத்தை திறந்து வைத்துள்ளார்.