தவெக மாவட்ட நிர்வாகிகள் இன்று அறிவிப்பு? சற்று நேரத்தில் விஜய் ஆலோசனை.!

சென்னை : பனையூரில் உள்ள தவெக தலைமை அலுவலகத்தில் அக்கட்சியின் தலைவர் விஜய் தலைமையில் கட்சி நிர்வாகிகள் கூட்டம் இன்று நடைபெறவுள்ளது. முன்னதாக, கட்சியின் பொதுச் செயலாளர் என்.ஆனந்த் தலைமையில் இந்த ஆலோசனை கூட்டம் நடைபெறவிருந்த நிலையில், இறுதியில் கட்சியின் தலைவர் விஜய் பங்கேற்க உள்ளதாக தகவல் வெளியாகியுள்ளது.

கட்சியின் முதல் மாநில மாநாடு அண்மையில் நடந்து முடிந்த நிலையில், அடுத்தகட்ட நடவடிக்கைகள், நிர்வாகிகள் நியமனம் குறித்து ஆலோசிக்கப்பட உள்ளதாக தகவல் வெளியாகியுள்ளது.

காலை 10 மணிக்கு நடைபெற உள்ள இந்த முக்கிய ஆலோசனை கூட்டத்தில் வட்டார, மாவட்ட அளவிலான பொறுப்பாளர்கள் நியமனம், பொதுக் கூட்டங்கள் நடத்துவது குறித்து ஆலோசிக்க உள்ளனராம். இதனிடையே, புதிதாக நியூஸ் சேனல் ஒன்றை விஜய் தொடங்கவுள்ளதாக தகவல் வெளியானது.

அதாவது, திமுகவுக்கு கலைஞர் டிவி, அதிமுகவுக்கு நியூஸ் ஜே இருக்கிறது. இதைப்போல, தனது கொள்கை மற்றும் கட்சியின் பயணம் குறித்து செய்திகளை வெளியிட, தனியாக ஒரு சேனலை தொடங்க உள்ளாராம். இதுதொடர்பாகவும் இன்று நிர்வாகிகளிடம் அவர் ஆலோசிக்க இருப்பதாக கூறப்படுகிறது.