இந்த மனசு தான் சார் தங்கம்! குரங்குகளுக்கு தீபாவளி போனஸ் கொடுத்த அக்‌ஷய் குமார்!

அயோத்தி : தீபாவளியை முன்னிட்டு பாலிவுட் நடிகர் அக்ஷய் குமார் செய்த காரியம் அனைவரின் கவனத்தையும் ஈர்த்துள்ளது. அயோத்தி ராமர் கோயிலை சுற்றி வசிக்கும் ஏராளமான குரங்குகளுக்கு உணவு வழங்க ரூ.1 கோடி நன்கொடையை அவர் வழங்கியுள்ளார்.

இதற்காகவே செயல்படும் ஆஞ்சநேயா சேவா டிரஸ்ட்டுக்கு இந்த நிதியை அவர் வழங்கியுள்ளார். இவ்வாறு, பாலிவுட் சினிமாவில் ஷாருக்கான் மற்றும் அமீர்கானால் கூட முறியடிக்க முடியாத சாதனையை கிலாடி குமார் முறியடித்து உள்ளார்.

பல வருடங்களாக இந்த சாதனையில் நம்பர் 1 ஆக இருந்து வருகிறார். ஆம், இதுபோன்ற நன்கொடைகள் வழங்குவது இது முதன்முறை அல்ல… இதற்கு முன், பல டிரஸ்ட்டுக்கு நன்கொடை அளித்திருப்பது குறிப்பிடத்தக்கது.

இதற்கிடையில், அக்ஷய் குமார் தனது அடுத்த படமான ஹவுஸ்ஃபுல் 5 வெளியீட்டிற்காக காத்திருக்கிறார். இந்த படம் அடுத்த ஆண்டு ஜூன் 6, 2025 அன்று திரையரங்குகளில் வெளியாக உள்ளது. இது தவிர, ஹேரா பெரி 3, பூத் பங்களா மற்றும் ஜாலி எல்எல்பி 3 ஆகிய படங்களிலும் அக்ஷய் குமார் நடித்திருக்கிறார்.