தேவர் ஜெயந்தி: பசும்பொன்னில் முத்துராமலிங்கத் தேவரின் உருவச் சிலைக்கு முதலமைச்சர் மரியாதை.!

இராமநாதபுரம்: முத்துராமலிங்க தேவரின் 117வது ஜெயந்தியை முன்னிட்டு, பசும்பொன்னில் உள்ள முத்துராமலிங்க தேவர் சிலைக்கு முதலமைச்சர் மு.க.ஸ்டாலின் மாலை அணிவித்து மரியாதை செலுத்தினார் .

அப்பொழுது, மூத்த அமைச்சர்கள், திமுக நிருவாகிகள் பங்கேற்று மரியாதையை செலுத்தினர். கடந்த முறை அமைச்சர் உதயநிதி ஸ்டாலின் மரியாதை செலுத்த சென்ற நிலையில், இந்த முறை தமிழக முதலமைச்சர் நேரில் சென்று மரியாதை செலுத்தி வருகிறார்.

ஏற்கனவே, மதுரை மாவட்டம், கோரிப்பாளையத்தில் உள்ள தேவர் சிலைக்கு முதலமைச்சர் மு.க.ஸ்டாலின் மரியாதை செலுத்தினார். பின்னர், தெப்பகுளம் அருகில் அமைந்துள்ள மருது சகோதர்களின் திருவுருவ சிலைக்கு அவர் மாலை அணிவித்து மரியாதை செலுத்தினார்.

அவருடன் அமைச்சர்கள் பி. மூர்த்தி, பழனிவேல் தியாகராஜன், தங்கம் தென்னரசு, அன்பில் மகேஷ், டி. ஆர். பி. ராஜா உள்ளிட்டோரும் மரியாதை செலுத்திருந்தனர். முத்துராமலிங்கத்தேவர் குருபூஜையை ஒட்டி 10,000 போலீசார் பாதுகாப்பில் ஈடுபட்டு வருகின்றனர்.