த.வெ.க மாநாடு : மேடையில் இணையும் பிரபலங்கள்?

விக்கிரவாண்டி : சினிமாவில் உச்ச நட்சத்திரமாக இருக்கும் விஜய் தமிழக வெற்றிக் கழகம் கட்சியைத் தொடங்கி அரசியலில் களமிறங்கியுள்ளார். வருகின்ற 2026-ஆம் ஆண்டு நடைபெறவுள்ள சட்டமன்ற தேர்தலில் போயிடயிருக்கும் அவர் மும்மரமாக அரசியல் வேலைப்பாடுகளும் ஈடுபட்டு அடுத்தடுத்த நகர்வுகளை எடுத்துக்கொண்டு இருக்கிறார்.

இந்த சூழலில், கட்சியின் முக்கிய நிகழ்வான முதல் மாநாடு வரும் 27ஆம் தேதி விழுப்புரம் மாவட்டம், விக்கிரவாண்டியை அடுத்த வி.சாலையில் பிரமாண்டமாக நடைபெறவுள்ளது. எனவே, மாநாட்டுப் பணிகள் தீவிரமாக நடைபெற்று வருகிறது. ஒட்டுமொத்த தமிழகத்தினுடைய பார்வையும் மாநாட்டில் தான் இருக்கிறது.

ஏனென்றால், இந்த மாநாட்டில் வைத்துத் தான் விஜய் த.வெ.க கொடியில் மஞ்சள், சிவப்பு நிறத்துடன் நட்சத்திரங்கள் மற்றும் யானை குறியீடுடன் கூடிய கொடி குறித்த விளக்கத்தையும், 2026-ம் ஆண்டு தனது அரசியல் பாதை என்ன? கட்சிகளுடன் கூட்டணியா, அல்லது தனித்து போட்டியா ? என்பது குறித்த பல விஷயங்களை இந்த மாநாட்டில் தான் விஜய் தெளிவுபடுத்த இருக்கிறார்.

கட்சியில் இணையவுள்ள பிரபலங்கள்?

இந்நிலையில், மாநாடு மிகவும் பிரமாண்டமாக நடைபெறவுள்ள நிலையில், மாநாட்டில் விஜய் முன்னிலையில் முக்கிய பிரபலங்கள் கட்சியில் இணையவுள்ளதாகத் தகவல்கள் வெளியாகியுள்ளது. அதைப்போல, மாநாட்டிற்கும் சில பிரபலங்கள் வருகை தரவுள்ளதாகவும் தகவல்கள் வெளியாகியுள்ளது. ஏற்கனவே, கட்சியின் பொதுச்செயலாளர் புஸ்ஸி ஆனந்தை தாடி பாலாஜி சந்தித்து இருந்தார். எனவே, அவர் கட்சியில் இணைவது உறுதியாகியுள்ளதாக கூறப்படுகிறது.

கட்சியில் அவர் இணைவது குறித்து எந்த அதிகாரப்பூர்வ அறிவிப்பும் வெளியாகவில்லை. எனவே, மாநாட்டில் கலந்துகொண்டு விஜய் முன்னிலையில் அவர் காட்சியில் இணைய அதிக வாய்ப்புகள் உள்ளதாகத் தகவல்கள் வெளியாகியுள்ளது. உண்மையில் பிரபலங்கள் கட்சியில் இணையவுள்ளார்களா? அல்லது மாநாட்டில் மட்டும் கலந்து கொள்கிறார்களா? என்பதைப் பொறுத்திருந்து பார்ப்போம்.