#HBDVadivelu 15 ஆண்டுகளுக்குப் பின் இணைந்த சுந்தர்.சி – வடிவேலு! கூட்டணியில் என்ன ஸ்பெஷல்?

சென்னை : இன்று பலரும் ஒருவருடைய காமெடியை பார்த்து சிரித்துக்கொண்டு இருக்கிறோம் என்றால் அது வடிவேலு காமெடி என்றே சொல்லலாம். அவருடைய காமெடி காட்சிகள் காலங்கள் கடந்தாலும், அழியாத ஒன்றாக இருக்கும் என்பதில் சந்தேகமே இல்லை. வடிவேலுவுடைய காமெடி படங்கள் எத்தனையோ இருக்கிறது. ஆனால், அதில் பலருடைய பேவரைட் கதாபாத்திரம் என்றால் வின்னர் படத்தில் அவர் நடித்த ‘கைப்புள்ள’ கதாபாத்திரம் தான்.

இந்த கதாபாத்திரத்தை உருவாக்கி கொடுத்தது இயக்குனர் சுந்தர் சி தான். இந்த படத்தில் நடிக்கும் போது உண்மையாகவே வடிவேலுவுக்கு கால் பகுதியில் காயம் ஏற்பட்டது. அதனையே அப்படியே படத்தில் கால் உடைந்தது போல நடித்து மக்களை சிரிக்க வைத்தார். அந்த சமயம், வின்னர் படம் பெரிய அளவில் வெற்றிபெற வடிவேலு தான் முக்கிய காரணம் என்று கூட சொல்லலாம்.

அந்த அளவுக்கு தன்னுடைய முழு நகைச்சுவை பாணியை இந்த படத்தில் காண்பித்து எப்படி எப்படியெல்லாம் மக்களை சிரிக்க வைக்கலாமோ அப்படி சிரிக்க வைத்து இருந்தார். இந்த படத்தைப்போல சுந்தர் சியுடன் அவர் இணைந்து நடித்த தலைநகரம் படத்திலும், அவருடைய காமெடி காட்சிகள் பெரிய அளவில் பேசப்பட்டது. படத்தில் அவருடைய நாய் சேகர் கதாபாத்திரமும், கைப்புள்ள கதாபாத்திரத்தை போல பெரிய அளவில் பேசப்பட்டது.

அதைப்போல நகரம் படத்திலும் சுந்தர் சி – வடிவேலு கூட்டணியின் காமெடி காட்சிகள் இன்று வரை பலருடைய பேவரட்டாக இருக்கிறது.  மற்ற நடிகர்களுடன் வடிவேலு கூட்டணி  வைத்து  நடிக்கும் காமெடி காட்சிகள் ஒரு சாயலில் இருந்தாலும், சுந்தர் சியுடன் அவருடைய கூட்டணி  இணையும் போது வரும் காமெடி காட்சிகள் மக்களை வெகுவாகவே கவரும் வகையில் இருக்கும். வடிவேலு வைத்து எப்படி காமெடி செய்தால் மக்களுக்கு பிடிக்கும் என்பது சுந்தர் சி க்கு நன்றாகவே தெரியும்.

எனவே, இவர்களுடைய கூட்டணியில் அது தான் ஸ்பெஷலாகவும் பார்க்கப்படுகிறது. இந்நிலையில், இவர்களுடைய கூட்டணி கிட்டத்தட்ட 15 ஆண்டுகளுக்கு பிறகு மீண்டும் இவர்களுடைய கூட்டணி இணைந்துள்ளது. சுந்தர் சி இயக்கத்தில் அவர் நடிக்கவுள்ள ‘கேங்கர்ஸ்’ படத்தின் பர்ஸ்ட் லுக் போஸ்டரையும் வடிவேலுவின் பிறந்த நாளை முன்னிட்டு படக்குழு வெளியிட்டுள்ளது. மீண்டும் இவர்களுடைய கூட்டணி இணைந்துள்ள காரணத்தால் இவர்களுடைய காமெடி காட்சிகள் பெரிய அளவில் பேசப்படும் வகையில் இந்த படத்திலும் இருக்கும் என எதிர்பார்க்கப்படுகிறது.