‘கோட்’ பாடலுக்கு ஆட்டம் போட்ட த்ரிஷாவுக்கு சம்பளம் எவ்வளவு தெரியுமா? சினேகாவுக்கு கம்மி தான்!

சென்னை : நடிகர் விஜய்யின் ‘GOAT’ திரைப்படம் உலகம் முழுவதும் 5000க்கும் மேற்பட்ட திரையரங்குகளில் வெளியாகி ரசிகர்கள் மத்தியில் நல்ல வரவேற்பை பெற்று வருகிறது.

தி கோட் படத்தில் இரு கதாபாத்திரத்தில் நடித்திருக்கும் விஜய்க்கு சினேகா மற்றும் மீனாட்சி செளத்ரி ஆகியோர் ஜோடியாக நடித்திருந்தனர்.

மேலும் இதில், கேப்டன் விஜயகாந்த் உருவத்தை AI தொழில் நுட்பம் பயன்படுத்தி கோட் படத்தில் கொண்டு வந்தனர். அது மட்டும்மின்றி, அஜித்தின் மங்காத்தா பிஜிஎம், தல தோனி விளையாண்ட காட்சிகள் இடம்பெற்றிருந்தன.

படம் வெளியாகும் வெளிவந்த கிசுகிசு த்ரிஷா கேமியோ ரோலில் வருகிறார் என்பது பலருக்கு தெரியாது. ஆனால், படத்தை பார்த்த பலருக்கு இது பெரும் சர்ப்ரைஸாக அமைந்தது. அட ஆமாங்க… படத்தில் இடம்பெற்றுள்ள மட்ட பாடலுக்கு மரண குத்தாட்டம் போட்டுள்ளார். இது ரசிகர்களை வெகுவாக கவர்ந்தது.

இந்த படத்தில் நடித்ததற்காக தளபதி விஜய் ரூ.200 கோடி சம்பளம் வாங்கிய நிலையில், சினேகா மற்றும் த்ரிஷா பெற்ற சம்பளம் குறித்த தகவல் தற்போது வெளியாகியுள்ளது.

தளபதி விஜய்க்கு ஜோடியாக படத்தில் நீண்ட நேர காட்சியில் நடித்ததற்காக நடிகை சினேகா வெறும் ரூ.30 லட்சம் தான் சம்பளம் வாங்கியுள்ளாராம். படத்தில் நடிகை சினேகா திருமணமாகி இரண்டு குழந்தைகளுக்கு தாயாக நடித்துள்ளார்.

ஆனால், மட்ட பாடலில் வெறும் ஒரு நிமிட காட்சியில் மட்டும் நடனமாடிய த்ரிஷாவுக்கு ரூ.50 முதல் 80 லட்சம் வரை சம்பளமாக வழங்கப்பட்டிருப்பதாக தகவல் வெளியாகியுள்ளது. இருப்பினும் இது குறித்த அதிகாரப்பூர்வ தகவல்களுக்கு காத்திருக்க வேண்டும்.

வசூல் விவரம்

சுமார், ரூ.300 கோடி பொருட்செலவில் உருவாகியுள்ள இப்படம் முதல் நாளில் உலகம் முழுவதும் ரூ.100 கோடியை வசூலித்துள்ளதாக தகவல் வெளியாகியுள்ளது. இந்தியாவில் மட்டும் ரூ.43 கோடியை வசூலித்துள்ளது. தமிழகத்தில் படம் 38.3 கோடியையும், கேரளாவில் ரூ.5.80 கோடியையும் வசூலித்துள்ளதாக தகவல் வெளியாகியுள்ளது.