கோட் படம் உலகம் முழுவதும் இத்தனை கோடி வசூல் செய்யுமா?

சென்னை : கோட் திரைப்படம் செப்டம்பர் 5-ஆம் தேதி பெரிய எதிர்பார்ப்புகளுக்கு மத்தியில் திரையரங்குகளில் வெளியாகவுள்ளது. விஜயின் சினிமா கேரியரில் அதிகமான பட்ஜெட் செலவு செய்து எடுக்கப்பட்ட திரைப்படம் என்றால் இந்த படத்தை சொல்லலாம். கிட்டத்தட்ட இந்த திரைப்படம் 333 கோடி பிரமாண்ட பட்ஜெட்டில் உருவாக்கப்பட்டுள்ளதாக கூறப்படுகிறது.

படத்தில் என்னென சஸ்பென்ஸ் காட்சிகள் உள்ளது படம் எந்த மாதிரி ஒரு கதைக்களத்தை கொண்ட படம் என்கிற எதிர்பார்ப்பு ரசிகர்களுக்கு மத்தியில் நிலவி இருக்கும் சூழலில், அதே சமயம் படம் வெளியான முதல் நாளில் உலகம் முழுவதும் எவ்வளவு கோடி வசூல் செய்யும் என்ற எதிர்பார்ப்பும் நிலவியுள்ளது.

வழக்கமாக விஜய் படங்கள் வெளியாகிறது என்றாலே முதல் நாளில் வசூல் ரீதியாக சாதனை படைத்துவிடும். குறிப்பாக, சொல்லவேண்டும் என்றால் கடைசியாக அவருடைய நடிப்பில் வெளியான ‘லியோ’ திரைப்படம் உலகம் முழுவதும் வெளியான முதல் நாளில் 148 கோடி வரை வசூல் செய்திருந்ததாக தகவல்கள் வெளியாகி இருந்தது.

அந்த வசூல் சாதனையை கோட் படம் தொடுமா? என்கிற எதிர்பார்ப்பும் எழுந்துள்ள நிலையில், இதுவரை புக் மை ஷோ (BookMyShow)- வில் புக் ஆகியுள்ள டிக்கெட் அடிப்படையில் படம் எவ்வளவு கோடி வசூல் செய்யும் என பாக்ஸ் ஆபிஸ் ஆய்வாளர்கள் கணித்துள்ளனர். அதன்படி, கோட் படம் வெளியான முதல் நாளில் உலகம் முழுவதும் 100 கோடி வசூல் செய்யும் என கணிக்கப்பட்டுள்ளது.

100 கோடி வசூல் செய்தால் கண்டிப்பாக கோட் படத்திற்கு பெரிய சாதனையாக பார்க்கப்படும் என்றே சொல்லலாம். படமும் வெளியாகி நல்ல வரவேற்பை பெற்றால் கண்டிப்பாக லியோ படத்தின் மொத்த வசூலான 600 கோடிகளை தாண்டி விஜயின் சினிமா கேரியரில் அதிகம் வசூல் கொடுத்த படம் என்ற சாதனையை படைக்கும் எனவும் எதிர்பார்க்கப்படுகிறது.