அண்ணே., நான் கோவத்தை காட்டிருவேன்.. சிங்கம் புலியை மிரட்டிய பெரிய இயக்குனர்.!

சிங்கம் புலி : இயக்குனராக மட்டுமின்றி காமெடி கதாபாத்திரத்தில் நடித்து அனைவரையும் சிரிக்க வைத்த நடிகர் சிங்கம் புலி விஜய்சேதுபதி நடிப்பில் வெளியான அவருடைய 50-வது படமான ‘மகாராஜா’ படத்தில் முக்கியமான வில்லன் கதாபாத்திரம் ஒன்றில் நடித்துள்ளார்.

இதுவரை காமெடியான கதாபாத்திரங்களில் மட்டுமே நடித்து வந்த சிங்கம் புலி இந்த படத்தில் வில்லனாக நடித்தது அனைவர்க்கும் ஆச்சரியத்தை ஏற்படுத்தியுள்ளது. படத்தில் அவர் நடித்துள்ள கதாபாத்திரம் பெரிய அளவில் பேசப்பட்டும் வருகிறது. பேசப்பட்டு வருவது போல சிங்கம் புலி வில்லன் கதாபாத்திரத்தில் நடித்துள்ளதால் அவர் மீது கோபம் வருவதாகவும் கருத்துக்களை தெரிவித்து வருகிறார்கள்.

அப்படி தான் பெரிய தமிழ் இயக்குனர் ஒருவர் மகாராஜா  படம் பார்த்துவிட்டு சிங்கம் புலி நடித்த  கதாபாத்திரத்தை பார்த்து மிகவும் டென்ஷன் ஆகி கோபத்தை காட்டிவிடுவேன் என்பது போல சிங்கம் புலியிடம் கூறியுள்ளார். இந்த தகவலை நடிகர் சிங்கம் புலி சமீபத்தில் யூடியூப் சேனல் ஒன்றுக்கு கொடுத்த பேட்டியில் தெரிவித்துள்ளார்.

இது குறித்து பேசிய சிங்கம் புலி ” மகாராஜா படத்தினை இப்போது கோடிகளில் சம்பளம் வாங்கும் இயக்குனர் ஒருவர் பார்த்தார். அவர் என்னை முதலில் இருந்து இப்போது வரை அண்ணா அண்ணா என்று தான் கூப்பிடுவார். படம் பார்த்துவிட்டு வெளியே வந்தவரிடம் நான் கேட்டேன்.

என்ன சார் படம் பார்த்தீங்களா? படம் எப்படி இருந்தது என்று கேட்டேன். அதற்கு அந்த இயக்குனர் அண்ணா எனக்கு கோபத்தை மறைக்க தெரியாது நான் கோவத்தை காட்டிருவேன். எனவே, இப்போது நான் உங்களிடம் பேசவில்லை பிறகு தொலைபேசி வழியாக கால் செய்து பேசுகிறேன் என்று கூறினார். அவர் அப்படி கூறியவுடன் எனக்கு ரொம்பவே அதிர்ச்சி ஆகிவிட்டது.

அந்த இயக்குனர் என்னிடம் அப்படி பேசும்போது படக்குழுவினர் பலரும் அங்கு தான் இருந்தார்கள். அவர்களிடம் என்ன இப்படி சொல்கிறார் என்று கேட்டேன். அதற்கு நீங்கள் உங்களுடைய வேலையை சரியாக செய்து இருக்கிறீர்கள் என்று கூறியதாக சிங்கம் புலி தெரிவித்துள்ளார்.  அந்த இயக்குனரின் பெயரை சிங்கம் புலி கூறவில்லை என்பது குறிப்பிடத்தக்கது.