வார இறுதி நாளில் மீண்டும் குறைந்தது தங்கம் விலை.! இன்றைய நிலவரம் என்ன?

சென்னை : சர்வதேச கச்சா எண்ணெய் ஏற்றுமதி மற்றும் இறக்குமதி காரணமாக பெட்ரோல் மற்றும் டீசல் விலையில் மாற்றம் காணப்படுகிறது. அதேபோல், சர்வதேச சந்தைகளில் தங்கம், வெள்ளி மாதிரியான உலோகங்களுக்கு ஏற்பட்டிருக்கும் தேவையே விலை உயர்வுக்கு காரணமாக பார்க்கப்படுகிறது.

அதன்படி, ஒவ்வொரு நாளும் தங்கத்தின் விலையில் ஏற்றமும், இறக்குமும் காணப்பட்டு வருகிறது. ஏறுமுகத்தில் இருந்த தங்கம் விலை, இன்று சற்று குறைந்துள்ளது. நேற்று முன்தினம் புதிய உச்சமாக ஒரு சவரன் ரூ.55,360 வரை சென்று மக்களை அதிர்ச்சியடைய செய்தது.

சென்னையில் இன்றைய நிலவரப்படி (19-07-2024) 22 கேரட் ஆபரணத்தங்கத்தின் விலை சவரனுக்கு ரூ.240 குறைந்து, ஒரு சவரன் ரூ.55,000க்கும், கிராமுக்கு ரூ.30 குறைந்து, ஒரு கிராம் ரூ.6,875க்கும் விற்பனை செய்யப்படுகிறது. அதேபோல், வெள்ளியின் விலை கிராமுக்கு ரூ.1.45 குறைந்து, ஒரு கிராம் ரூ.97.75க்கு விற்பனையாகிறது.

சென்னையில் நேற்றைய நிலவரப்படி (18-07-2024) 22 கேரட் ஆபரணத் தங்கத்தின் விலை சவரனுக்கு ரூ.120 குறைந்து ரூ.55,240க்கும், கிராமுக்கு ரூ.15 குறைந்து ரூ.6,905க்கும் விற்பனை ஆனது. அதேபோல், வெள்ளியின் விலை கிராமுக்கு ரூ.1.30 காசுகள் குறைந்து ரூ.99.20க்கும், கிலோவிற்கு ரூ.1300 குறைந்து ரூ.99,200க்கும் விற்பனை செய்யப்பட்டது குறிப்பிடத்தக்கது.