2024-2025-இல் நாட்டின் பணவீக்கம் எப்படி இருக்கும்.? RBI ஆளுநர் பேட்டி.!

ரிசர்வ் வங்கி: மக்களவை தேர்தல் முடிவுகளுக்கு பிறகு, இன்று மத்திய ரிசர்வ் வங்கி ஆளுநர் சக்திகாந்த தாஸ் , 2024 – 2025ஆம் ஆண்டின் பணவீக்கம் பற்றி பல்வேறு தரவுகளை குறிப்பிட்டார். பணவீக்கமானது எந்தெந்த துறைகளில் எவ்வாறு இருக்கும் என கணித்து அதனை கூறி வருகிறார்.

அவர் கூறுகையில், நாங்கள் இப்போது பணவீக்கத்தில் கவனம் செலுத்தி வருகிறோம். கடந்த மார்ச் மற்றும் ஏப்ரல் மாதங்களில் நுகர்வோர் விலை குறியீட்டு எண் எனும் CPI பணவீக்கம் சற்று குறைந்துள்ளது. இருப்பினும் உணவுபொருட்கள் மீதான பணவீக்கமானது அதிகளவில் காணப்படுகிறது. அதனை எரிபொருள் உள்ளிட்ட மற்ற பொருட்களின் பணவீக்க அளவை கொண்டு இதனை ஈடுகட்டி வருகிறோம்.

ஓரளவு மிதமான நிலை இருந்தபோதிலும், பருப்பு வகைகள் மற்றும் காய்கறிகளின் பணவீக்கம் இரட்டை இலக்கத்தில் இருந்தது. சீசன் சரிவைத் தொடர்ந்து காய்கறிகளின் விலை கோடைகாலத்தில் உயர்வை சந்தித்தன. எரிபொருளின் பணபரிவர்த்தனை போக்கு முதன்மையாக மார்ச் தொடக்கத்தில் LPG விலைக் குறைப்புகளால் முன்னேறியது.

ஜூன் 2023 முதல் தொடர்ந்து 11வது மாதமாக நிலக்கரி பணவீக்கம் சற்று குறைந்து வருகிறது. சேவை துறைகளில் உள்ள பணவீக்கம் இதுவரை இல்லாத அளவிற்கு குறைந்துள்ளது.  பருப்பு வகைகள் மற்றும் காய்கறிகளின் வெளிநாட்டு இறக்குமதியை கவனமாக கண்காணிக்க வேண்டும். உலக உணவுப் பொருட்களின் விலையும் உயரத் தொடங்கியுள்ளது.

தொழில்துறை உலோகங்களின் விலைகள் நடப்பாண்டில் இதுவரை இரட்டை இலக்க வளர்ச்சியை பதிவு செய்துள்ளன. இந்தப் போக்குகள் நீடித்தால், பண்ணைகளுக்கான உள்ளீட்டுச் செலவு அதிகரிக்கும். மறுபுறம், இயல்பை விட அதிகமாக பருவமழை பெய்யும் என்ற முன்னறிவிப்பு வரும்கால வேளாண் பருவத்திற்கு நல்லதாக அமையும்.

கடந்த ஆண்டை விட கோதுமை கொள்முதல் அதிகரித்துள்ளது. உண்மையில், கோதுமை மற்றும் அரிசியின் தாங்கல் பங்குகள் குறிப்பிட்டதை விட அதிகமாக உள்ளன. இந்த முன்னேற்றங்கள் உணவுப் பணவீக்க உயர்வுக்கு, குறிப்பாக தானியங்கள் மற்றும் பருப்பு வகைகள் மீதான பணவீக்கத்திற்கு சற்று குறைய அமையலாம்.

உலகளாவிய அரசியல் பதட்டங்கள் காரணமாக கச்சா எண்ணெய் விலைகள் மீதான கண்ணோட்டம் நிச்சயமற்றதாகவே உள்ளது. 2024-25க்கான CPI பணவீக்கம் 4.5% ஆகவும், முதல் காலாண்டில் 4.9% ஆகவும், இரண்டாம் காலாண்டில் 3.8% ஆகவும்,  மூன்றாம் காலாண்டில் 4.6% ஆகவும் மற்றும் நான்காம் காலாண்டில் 4.5% ஆகவும் இருக்கும் என கணிக்கப்பட்டுள்ளது.

நாட்டின் GDP வளர்ச்சிக் கணிப்பின் அளவு 7% லிருந்து 7.2% ஆக உயர்த்தப்பட்டுள்ளது. பணவீக்கக் கணிப்பு ஓர் ஆண்டுக்கான சராசரி என கடந்த MPC கூட்டத்தில் ஆலோசித்து இருந்ததை போலவே, 4.5% ஆகத் தக்கவைத்துள்ளோம். நடப்பு ஆண்டிற்கான GDP கணிப்பு ஏன் அதிகரித்தது என்பதற்கு பல நல்ல காரணங்கள் உள்ளன என ரிசர்வ் வங்கி ஆளுநர் சக்தி காந்த தாஸ் குறிப்பிட்டார்.