காஞ்சனா படம் பார்க்க ரெடியா? வருகிறது 4வது பாகம்!

காஞ்சனா 4: குழந்தைகள் முதல் பெரியவர்கள் வரை அனைவரும் விரும்பி பார்த்த திரைப்படம் என்றால் அது காஞ்சனா படம் தான். இதுவரை மூன்று பாகங்கள் வெளியாகி இருக்கும் நிலையில் தற்போது 4-வது பாகமும் விரைவில் உருவாக உள்ளதாக லேட்டஸ்டான தகவல் ஒன்று சமூக வலைதளங்களில் வைரலாகி வருகிறது.

ஏற்கனவே கடந்த சில மாதங்களுக்கு முன்பு ஒரு பேட்டியில் ராகவா லாரன்ஸ் காஞ்சனா படத்தின் 4-வது பாகம் உருவாக உள்ளதாக அறிவித்திருந்தார். இதனை அடுத்து தற்போது காஞ்சனா 4-வது பாகத்தை ராகவா லாரன்ஸ் இயக்கி நடித்து அந்த படத்தினை தயாரிக்கவும் முடிவு செய்துள்ளதாக தகவல்கள் வெளியாகி இருக்கிறது.

மேலும், படத்திற்கான படப்பிடிப்பும் வருகின்ற செப்டம்பர் மாதம் தொடங்க உள்ளதாகவும் கூறப்படுகிறது. மேலும், விரைவில் இதற்கான அதிகாரப்பூர்வ அறிவிப்பு வெளியாகும் எனவும் எதிர்பார்க்கப்படுகிறது.