” ரஜினி , கமலை விட குறைந்தவன் நான் இல்லை ” இனி முழுநேர அரசியலில் நான்..!!

by Dinasuvadu deskPosted on September 7, 2018

ரஜினி கமலுக்கு நான் சளைத்தவன் கிடையாது’- ரீ-என்ட்ரீ கொடுக்கும் கார்த்திக்!

மதுரை: ரஜினி கமலுக்கு நான் எந்த விதத்திலும் சளைத்தவன் கிடையாது என நடிகர் கார்த்திக் தெரிவித்துள்ளார்.

மதுரை விமானநிலையத்தில் இன்று செய்தியாளர்களை சந்தித்த நடிகர் கார்த்திக், ‘பகுதி நேர அரசியல் கூடாது என்று நான் ஏற்கெனவே சொல்லியிருக்கிறேன். அது எனக்கும் பொருந்தும். இனி முழுநேர அரசியலில் ஈடுபடவுள்ளேன். அதற்கான ஆரம்பம் தான் இது. விரைவில் அரசியல் மறுபிரவேசம் செய்யவுள்ளேன்.

கடந்த 2016 ஆம் ஆண்டுக்குப் பிறகு சில பல நெருடல்களால் அரசியலில் இருந்து ஒதுங்கி இருந்தேன். தற்போது மக்கள் நலன் காக்கும் பொருட்டு அரசியல் கட்சியை, இயக்கத்தைப் புதிய பெயரில் புதிய உத்வேகத்தோடு மதுரையில் இரண்டு மூன்று நாட்களில் ஆரம்பிக்க இருக்கிறேன்.

ஜாம்பவான்கள் ஜெயலலிதா, கருணாநிதி காலத்தில் அரசியலில் இருந்த போது மரியாதை நிமித்தமாக பல கருத்துக்களை எடுத்து வைக்க இருந்த தயக்கம் இனி அரசியலில் எனக்கு இருக்காது.

இது அரசியலில் ஈடுபட சரியான தருணமாக கருதுகிறேன். ரஜினி கமலுக்கு நான் எந்த விதத்திலும் சளைத்தவன் கிடையாது.

புதிய பெயரில் கட்சி, புதிய நிர்வாகிகளோடு மாநில அரசியலில் இருந்து தேசிய அரசியலையும் மக்கள் நலன் கருதி கண்காணித்து, புதிய உத்வேகத்தோடு செயல்பட இருக்கிறேன்’ என்று நடிகர் கார்த்திக் கூறியுள்ளார்.

DINASUVADU