ஐபிஎல் திருவிழாவின் இன்றைய போட்டி ..! மும்பையுடன் பலப்பரீட்சை நடத்தும் கொல்கத்தா !!

ஐபிஎல் 2024 : ஐபிஎல் தொடரில் இன்றைய போட்டியாக மும்பை அணியும், கொல்கத்தா அணியும் மோதுகிறது.

நடைபெற்று வரும் இந்த ஐபிஎல் தொடரில் இன்றைய 50-வது போட்டியாக இன்று மும்பை இந்தியன்ஸ் அணியும், கொல்கத்தா நைட் ரைடர்ஸ் அணியும் மும்பையில் உள்ள வான்கடே மைதானத்தில் இரவு 7.30 மணிக்கு மோதுகிறது.

இந்த போட்டியை மும்பை அணி மிகப்பெரிய ரன்கள் வித்தியாசத்தில் வெற்றி பெற வேண்டும். அப்படி வெற்றி பெற்றால் மும்பை அணி ப்ளே ஆஃப் சுற்றுக்கு தகுதி பெறும் ஒரு வாய்ப்பு கைவசம் இருக்கும். ஒரு வேளை தோல்வி அடைந்தால் இந்த தொடரிலிருந்து அதிகாரப்பூர்வமாக வெளியாகி விடும்.

அதே நேரம் கொல்கத்தா அணி புள்ளிப்பட்டியலில் இரண்டாம் இடத்தில் உள்ளது. இந்த போட்டியின் மூலம் நல்ல ஒரு வெற்றி கிடைத்தால் ரன் ரேட்டை அதிகப்படுத்தி இரண்டாம் இடத்தை தக்க வைக்க அதிக வாய்ப்புகள் உண்டு. 

நேருக்கு நேர்

இந்த இரு அணிகளும் நேருக்கு நேராக மொத்தம் 23 போட்டிகள் விளையாடி உள்ளனர். இதில் 9 முறை கொல்கத்தா அணியும், 14 முறை மும்பை அணியும் வெற்றி பெற்றுள்ளது. மும்பை அணி, கொல்கத்தா அணியிடம் அதிக முறை தோல்வி அடைந்தது கிடையாது. அதே நேரம் இதை பயன்படுத்தி ஒரு பெரிய வெற்றியை மும்பை பதிவு செய்யுமா என்பதை பொருத்து இருந்து பார்ப்போம்.

எதிர்பார்க்கப்படும் வீரர்கள்

மும்பை அணி

ரோஹித் சர்மா, இஷான் கிஷன் (விக்கெட் கீப்பர்), திலக் வர்மா, ஹர்திக் பாண்டியா (கேப்டன்), டிம் டேவிட், முகமது நபி, ரொமாரியோ ஷெப்பர்ட், ஷ்ரேயாஸ் கோபால், ஜெரால்ட் கோட்ஸி, ஜஸ்பிரித் பும்ரா, ஆகாஷ் மத்வால்.

கொல்கத்தா அணி 

பிலிப் சால்ட் (விக்கெட் கீப்பர்), சுனில் நரைன், ஆங்கிரிஷ் ரகுவன்ஷி, ஷ்ரேயாஸ் ஐயர் (கேப்டன்), வெங்கடேஷ் ஐயர், ரின்கு சிங், ஆண்ட்ரே ரசல், ராமன்தீப் சிங், மிட்செல் ஸ்டார்க், வருண் சக்கரவர்த்தி, ஹர்ஷித் ராணா.