தோனியின் ஸ்வாரஸ்யமான விஷயத்தை உடைத்த ருதுராஜ் ..!! யூடூபர் மதன் கௌரியிடம் கூறியது இதுதான் !!

Ruturaj Gaikwad : தமிழக யூடூபரான மதன் கௌரியுடன் நடந்த ஒரு நேர்காணலில் ‘தல’ தோனியின் ஸ்வாரஸ்யமான ரகசியத்தை பற்றி ருதுராஜ் கெய்க்வாட் பேசி இருந்தார்.

தமிழக யூடூபரான மதன் கௌரி ஒரு அவரது யூடுப் சேனலில் ஒரு வீடியோவில் சென்னை சூப்பர் கிங்ஸ் அணியின் கேப்டனான ருதுராஜ் கெய்க்வாட்டை அழைத்து ஒரு நேர்காணல் ஒன்றை நடத்தி இருந்தார். பல திரைப்பிரபலங்கள், தொழிலதிபர்கள், அரசியல் பிரபலங்கள் என பலரையும் அவரது யூடுப் சேனலில் அழைத்து நேர்காணல் நடத்தி இருக்கிறார்.

அந்த வரிசையில் இன்று அவர் வெளியிட்ட வீடியோவில் சிஎஸ்கே அணியின் கேப்டனான ருதுராஜ் கெய்க்வாட்டுடன் நடத்திய ஒரு நேர்காணல் ஒன்றை பதிவிட்டிருந்தார். மேலும், அந்த வீடியோவில் மதன் கௌரி கேள்வி எழுப்புவதும் அதற்கு ருதுராஜ்  பதிலளிப்பதும் என நேர்காணல் சென்றது. அப்போது மதன் கௌரி அவரிடம் தோனியின் ஸ்வாரஸ்யமான ஏதேனும் விஷயம் உங்களுக்கு தெரியும் என்றால் அதை பகிரும்படி கேட்டுக் கொண்டார்.

அதற்க்கு ருதுராஜ், “எனக்கு தெரிந்த தோனியின் ஸ்வாரசமயமான விஷயம் ஒன்று, அவர் எப்போதுமே இரவில் தாமதமாகவே உறங்குவார் அது அவருக்கு மிகவும் பிடிக்கும். அதிலும் குறிப்பாக போட்டிக்கு முந்தைய நாள் தாமதமாக உறங்கி, தாமதமாகவே காலையில் விழித்து கொள்வார். 2019-ம் ஆண்டு நான் சிஎஸ்கே அணியில் இணைந்த போது எப்போது எந்திரிக்க வேண்டும் என்று அவரிடம் கேட்டிருக்கிறேன்.

அதற்கு அவர் ‘எனக்கு சீக்கிரமாக உறங்கி சீக்கிரமாக எழுவது பிடிக்காது’ உனக்கு போட்டியின் மீது சிந்தனை இருந்தாலே போதுமானது. நீயும் தாமதமாக உறங்கி, தாமதாகவே எழுந்து கொள்’ என்று எனக்கும் அந்த பழக்கத்தை பரிந்துரைத்தார். அதனால் நானும் இப்போது அதை பின்பற்றி முயற்சித்து வருகிறேன் “, என்று ருதுராஜ், தோனியின் ஸ்வாரஸ்யமான இந்த விஷயத்தை அந்த வீடியோவில் பகிர்ந்திருந்தார்.