பதிலடி கொடுக்குமா மும்பை? ராஜஸ்தான் அணியுடன் இன்று பலப்பரீட்சை !!

ஐபிஎல் 2024 : ஐபிஎல் தொடரில் இன்றைய போட்டியாக மும்பை அணியும் ராஜஸ்தான் அணியும் மோத உள்ளது.

ஐபிஎல் தொடரின் 17-வது சீசனின் 38-வது போட்டியில் ராஜஸ்தான் ராயல்ஸ் அணியும், மும்பை இந்தியன்ஸ் அணியும் இன்று இரவு 7:30 மணிக்கு ஜெய்ப்பூரில் உள்ள சாவாய் மன்சிங் மைதானத்தில் மோதவுள்ளது. இந்த ஐபிஎல் தொடரில் இதற்கு முன் ராஜஸ்தான் அணி, மும்பை அணியை 6 விக்கெட் வித்தியாசத்தில் அபாரமாக வீழ்த்தியுள்ளது. இதற்கு பதிலடி கொடுக்கும் வகையில் மும்பை அணி இன்றைய போட்டியில் வெல்ல வேண்டும் என ரசிகர்கள் ரசிகர்களால் எதிர்பார்க்கப்படுகிறது.

தொடர் தோல்விகள், அதன் பின் இரண்டு வெற்றிகள் என்று கலவையாக இந்த தொடரில் பயணித்து வரும் மும்பை அணி 6 புள்ளிகளுடன் புள்ளிப்பட்டியலில் 6-வது இடத்தில் உள்ளது. மேலும் 12 புள்ளிகளுடன் ராஜஸ்தான் அணி புள்ளிப்பட்டியலில் முதலிடத்தில் உள்ளது.

நேருக்கு நேர்

இந்த இரண்டு அணிகளும் நேருக்கு நேர் 29 முறை நேருக்கு நேர் விளையாடி உள்ளது. இதில் 15 முறை மும்பை அணியும், 13 ராஜஸ்தான் அணியும் வெற்றி பெற்றுருக்கிறது. ஒரு போட்டி முடிவில்லாமல் இருக்கிறது. இரண்டு அணிகளின் வீரர்களும் தரமும் சமமாக இருப்பதால் இந்த போட்டி விறுவிறுப்பாக அமையும் என்று எதிர்ப்பார்க்கலாம்.

எதிர்ப்பார்க்கப்படும் 11 வீரர்கள் 

ராஜஸ்தான் அணி :

ஜோஸ் பட்லர், யஷஸ்வி ஜெய்ஸ்வால், சஞ்சு சாம்சன் (கேப்டன் / விக்கெட் கீப்பர்), ரியான் பராக், ஷிம்ரோன் ஹெட்மியர், துருவ் ஜூரல், ரவிச்சந்திரன் அஸ்வின், டிரெண்ட் போல்ட், சந்தீப் சர்மா, அவேஷ் கான், யுஸ்வேந்திர சாஹல்

மும்பை அணி :

ரோஹித் சர்மா, இஷான் கிஷன் (விக்கெட் கீப்பர்), திலக் வர்மா, ஹர்திக் பாண்டியா (கேப்டன்), டிம் டேவிட், முகமது நபி, ரொமாரியோ ஷெப்பர்ட், ஷ்ரேயாஸ் கோபால், ஜெரால்ட் கோட்ஸி, ஜஸ்பிரித் பும்ரா, ஆகாஷ் மத்வால்.