கேலோ இந்தியா – தங்கம் வென்ற தமிழ்நாட்டு வீராங்கனை!

கேலோ இந்தியா விளையாட்டுப் போட்டியில் இன்று தமிழ்நாட்டிற்கு 7-வது தங்கப்பதக்கம் கிடைத்துள்ளது. கேலோ இந்தியா இளையோர் விளையாட்டு போட்டி கடந்த 19 ஆம் தேதி தொடங்கி நடைபெற்று வருகின்றன. 

சென்னையில் நடைபெற்றுவரும் கேலோ இந்தியா யூத் விளையாட்டு போட்டியில் தமிழகத்தை சேர்ந்த வீரர் வீராங்கணையர்கள் பல போட்டிகளில் வெற்றி பெற்று பதக்கப் பட்டியலில் முதலிடத்தில் உள்ளனர்.

அதன்படி, ஐந்தாம் நாளாக இன்று சென்னையில் நடைபெற்ற இறுதிப் போட்டியின் மகளிர் ஒற்றையர் ஸ்குவாஷ் பிரிவில், தமிழ்நாடு வீராங்கனை பூஜா ஆர்த்தி, மகாராஷ்டிராவின் நிருபமா துபேயை 3-2 என்ற கணக்கில் வீழ்த்தி தங்கம் வென்று அசத்தியுள்ளார். இந்நிலையில், தமிழகத்திற்கு இது 7-வது தங்கம் கிடைத்துள்ளது.

தொடர்ந்து தங்க பதக்கங்களை குவித்து தமிழ்நாடு முதலிடம்!

முன்னதாக, நான்காவது நாளான நேற்று நடைபெற்ற சைக்கிளிங் விளையாட்டில் மகளிர் தனி பிரிவில் தமிழக வீராங்கனை ஸ்ரீமதி தங்கம் வென்றார். அதே போல், தன்யதா ஜேபி, ஸ்ரீமதி
ஆர். தமிழரசி, எம். பூஜா ஸ்வேதா ஆகியோர் சைக்கிளிங் விளையாட்டில் மகளிருக்கான குழு பிரிவில், தங்கம் வென்று அசத்தியது குறிப்பிடத்தக்கது.