ஜம்மு காஷ்மீர் முன்னாள் முதல்வரின் கார் மற்றொரு கார் மீது மோதி விபத்து!

ஜம்மு காஷ்மீர் முன்னாள் முதல்வரும், பிடிபி கட்சியின் தலைவருமான மெஹ்பூபா முப்தி சென்ற கார் விபத்தில் சிக்கியது. தெற்கு காஷ்மீரில் உள்ள அனந்த்நாக் செல்லும் வழியில் அவரது கார் விபத்துக்குள்ளானது.

விபத்து நடந்தபோது காரில் முஃப்தி மற்றும் அவரது பாதுகாப்புப் பணியாளர்கள் இருந்தனர். இந்த விபத்தில் அதிர்ஷ்டவசமாக மெஹ்பூபா முப்தி காயமின்றி தப்பினார். ஆனால், ஓட்டுநர் காலில் காயத்துடன் சிகிச்சை பெற்று வருகிறார்.

முப்தியின் கார் பொதுமக்கள் கார் மீது மோதியதாக சொல்லப்படுகிறது. சம்பவ இடத்திற்கு விரைந்த போலீசார் விபத்துக்கான காரணம் குறித்து விசாரணை நடத்தி வருகின்றனர். இதனிடையே, தேசிய மாநாட்டு கட்சியின் தலைவர் உமர் அப்துல்லா, மெஹபூபா முப்தியின் விபத்து குறித்த, அவர் காயம் ஏதுமின்றி உயிர் தப்பினார் என்பதை அறிந்து மகிழ்ச்சி அடைவதாக குறிப்பிட்டுள்ளார்.

Glad to hear that @MehboobaMufti Sahiba escaped injury in what could have been a very serious incident. I expect the government to enquire in to the circumstances of the accident. Any gaps in her security that contributed to this accident must be addressed immediately. https://t.co/ELXb2sHhNt

— Omar Abdullah (@OmarAbdullah) January 11, 2024