கடந்த நவம்பர் மாதத்தில் மட்டும் 71 லட்சம் கணக்குகளுக்கு தடை செய்த வாட்ஸ் அப்!

உலகம் முழுவதும் பலரும் உபயோகம் செய்து வரும் ஒரு ஆப் என்றால் அது வாட்ஸ்அப் என்று கூறலாம். இப்படியான வாட்ஸ்அப் பயன்படுத்தி பயனர்கள் சிலரை ஏமாற்றி பணம் பறித்தும் வருகிறார்கள். இதனால் பெறப்படும் புகார்கள் அடிப்படையில், வாட்ஸ் ஆப் புகார்களை ஏற்றுக்கொண்டு கணக்குகளை தடை செய்து வருகிறது.

அந்த வகையில், ஏற்கனவே, கடந்த ஆண்டு அக்டோபர் மாதம் மட்டும் சுமார் 75 லட்சம் வாட்ஸ் ஆப் கணக்குகளை மெட்டா நிறுவனம் முடக்கம் செய்தது. அதற்கு காரணமும், வாட்ஸ்அப் பயன்படுத்தி இணையவாயிலாக மோசடி செய்ததாக பெறப்பட்ட புகாரின் அடிப்படையில் தான் கணக்கு நீக்கம் செய்யப்பட்டது.

ரூ.12,000 தள்ளுபடி! ஐபோன் 15-க்கு அதிரடி ஆஃபர்!

இந்த நிலையில், அதனை தொடர்ந்து கடந்த ஆண்டு (2023) நவம்பர் மாதம் 7.1 மில்லியனுக்கும் அதிகமான இந்திய கணக்குகளை தடை செய்துள்ளதாக  மெட்டா நிர்வாகம் தெரிவித்துள்ளது. அதன்படி, கடந்த ஆண்டு நவம்பர் 1 முதல் நவம்பர் 30 வரையிலான காலகட்டத்தின் அடிப்படையில், பயனர்களின் புகார்கள் முதல் அரசின் பரிந்துரை வரை கொடுப்பக்கட்ட புகாரின் அடிப்படையில், 7.1 மில்லியனுக்கும் அதிகமான கணக்குகள் தடை செய்யப்பட்டுள்ளதாக அறிவிக்கப்பட்டுள்ளது.

இது தொடர்பாக மெட்டா நிர்வாகம் அறிவித்ததாவது ” இந்தியாவில் நவம்பர் மாதத்தில் மட்டும் 71 லட்சம் வாட்ஸ் அப் கணக்குகளுக்கு தடை செய்யப்பட்டுள்ளது. இதன் மூலம் பயனர்களிடம் இருந்து பெறப்பட்ட 8,841 புகார்களுக்கும் தீர்வு காணப்பட்டு இருக்கிறது” எனவும் அறிவித்துள்ளது.