ஒரு வழியாக கிறிஸ்துமஸ் தினத்தன்று மகளின் முகத்தை காட்டிய ஆலியா பட் – ரன்பீர் கபூர் தம்பதி.!

பிரபல பாலிவுட் ஜோடிகளான ரன்பீர்-ஆலியா பட் தம்பதி, தங்களது மகளை உலகிற்கு அறிமுகம் செய்துள்ளனர். இந்தி சினிமா பிரபலங்களான இருவரும் 2022 ஏப்ரல் 14ஆம் தேதி திருமணம் செய்துகொண்டனர். இதை தொடர்ந்து, அவர்களுக்கு இருவருக்கும் பிறந்த பெண் குழந்தையை, ஓராண்டுக்கு மேலாக வெளி உலகிற்கு காட்டாமல் இருந்தனர்.

நடிகர் ரன்பீர் கபூரின் நடிப்பில் சமீபத்தில் வெளியான ‘அனிமல்’ திரைப்படம் டிசம்பர் 1ஆம் தேதி வெளியாகி மாபெரும் வெற்றி பெற்றது. ஆலியா பட்டைப் பொறுத்தவரை, அவர் கடைசியாக ரன்வீர் சிங்குடன் ‘ராக்கி அவுர் ராணி கி பிரேம் கஹானி’ படத்தில் நடித்தார், அதுவும் மிகப்பெரிய வெற்றியைப் பெற்றது. தற்போது ‘ஜிக்ரா’ படத்தில் நடித்து வருகிறார்.