ஸ்னாப்டிராகன் 8 ஜென் 3 பிராசஸர், 50W வயர்லெஸ் சார்ஜிங்.! ஒன்பிளஸ்-ன் புது மாடல்..!

OnePlus 12: மும்பையில் கடந்த அக்டோபர் 19ம் தேதி நடைபெற்ற நிகழ்வில் ஒன்பிளஸ் நிறுவனம், தனது முதல் ஃபோல்டபிள் ஸ்மார்ட்போனான ஒன்பிளஸ் ஓபனை உலகளவில் அறிமுகம் செய்தது. இந்த ஸ்மார்ட்போன் பயனர்கள் மத்தியில் பரவலாக பேசப்பட்டு வரும் நிலையில், அடுத்த ஸ்மார்ட்போனை அறிமுகம் செய்வதில் ஒன்பிளஸ் கவனம் செலுத்து வருகிறது.

அந்த வகையில் மற்றொரு ஸ்மார்ட்போன் ஆன ஒன்பிளஸ் 12-ஐ வெளியிட தயாராகி வருகிறது. முன்னதாக ஒன்பிளஸ் 12 இன் டிஸ்பிளே, ஸ்டோரேஜ் மற்றும் சார்ஜர் குறித்த விவரங்கள் இணையத்தில் கசிந்தன. தற்போது இந்த ஸ்மார்ட்போனின் டெமோ யூனிட் ஆன்லைனில் வெளிவந்துள்ளது. இதன்மூலம் ஸ்மார்ட்போனின் வடிவமைப்பு தெரியவந்துள்ளது.

அதன்படி, ஒன்பிளஸ் 12 இன் டெமோ யூனிட் ஆனது ஒருபுறம் மூடப்பட்டிருக்கிறது. இருந்தாலும், இதில் இடதுபுறம் அலர்ட் ஸ்லைடர் உள்ளது தெரிகிறது. அதோடு, மேல்புறம் ஐஆர் பிளாஸ்டர் மற்றும் 3.5 மிமீ ஹெட்போன் ஜாக் இருப்பது தெரிகிறது. ஆனால், பின்புற கேமரா அமைப்பு மறைக்கப்பட்டிருப்பதால் எந்த மாதிரியான கேமரா அமைப்பு இருக்கும் என்பது தெரியவில்லை.

டிஸ்பிளே

ஒன்பிளஸ் 12 ஸ்மார்ட்போனில் சென்ட்ரல் பஞ்ச்-ஹோல் கட்அவுட் உடன் கூடிய 2K ரெசல்யூஷன் கொண்ட 6.82 இன்ச் கர்வ்டு ஓஎல்இடி BOE எக்ஸ்1 டிஸ்ப்ளேவைக் கொண்டுள்ளது. இந்த கர்வ்டு டிஸ்ப்ளே 120 ஹெர்ட்ஸ் அடாப்டிவ் ரெஃப்ரெஷ் ரேட் மற்றும் 2,600 நிட்ஸ் பிரைட்னஸுடன் வரலாம். நீர் மற்றும் தூசிகளில் இருந்து பாதுகாக்க ஐபி68 ரேட்டிங் உள்ளது.

பிராசஸர்

இந்த ஸ்மார்ட்போனில் அட்ரினோ 750 ஜிபியு உடன் இணைக்கப்பட்ட, புதிதாக அறிமுகம் செய்யப்பட்ட குவால்காம் ஸ்னாப்டிராகன் 8 ஜென் 3 சிப்செட் ஆனது பொருத்தப்படலாம். ஆண்ட்ராய்டு 14 ஓஎஸ் அடிப்டையாகக் கொண்டு இயங்கும் இந்த ஸ்மார்ட்போனில் ஆக்ஸிஜன் ஓஎஸ் 14 உள்ளது.

அதோடு ஆப்டிகல் பிங்கர் பிரிண்ட் ஸ்கேனர் உள்ளது. ஒன்பிளஸ் 12 ஸ்மார்ட்போனில் இன்ஃப்ராரெட் ரிமோட் கண்ட்ரோல் அம்சம் உள்ளது. இதை வைத்து ஸ்மார்ட்போன் மூலம் டிவி மற்றும் ஏர் கண்டிஷனர்கள் போன்ற பல்வேறு மின்னணு சாதனங்களைக் கட்டுப்படுத்த முடியும்,

கேமரா

ஒன்பிளஸ் 12 ஸ்மார்ட்போனில் ஆப்டிகல் இமேஜ் ஸ்டெபிலைசேஷனுடன் கூடிய சோனி IMX96 சென்சார் கொண்ட 50 எம்பி மெயின் கேமரா, சோனி IMX581 சென்சார் கொண்ட 48 எம்பி அல்ட்ரா-வைட் ஆங்கிள் கேமரா மற்றும் 3X ஆப்டிகல் ஜூம், 6X சென்சார் ஜூம் மற்றும் 120X டிஜிட்டல் ஜூம் கொண்ட 64 எம்பி பெரிஸ்கோப் டெலிஃபோட்டோ கேமரா பொருத்தப்படலாம். அதோடு செல்ஃபிக்காக 32 எம்பி கேமரா பொருத்தப்படலாம்.

பேட்டரி

இதில் பேட்டரியை பொறுத்தவரையில் 5,400 mAh திறன் கொண்ட லித்தியம் பாலிமர் பேட்டரி பொருத்தப்படலாம். இந்த பேட்டரியை சார்ஜ் செய்ய யுஎஸ்பி டைப்-சி போர்டுடன் கூடிய 100 வாட்ஸ் ஃபாஸ்ட் சார்ஜிங் வசதி மற்றும் 50 வாட்ஸ் வயர்லெஸ் சார்ஜிங் வசதியை கொண்டிருக்கலாம். ஒன்பிளஸ் 12 ஆனது யுஎஸ்பி 3.2 ஆதரவுடன் வரும் என்று கூறப்படுகிறது.

ஸ்டோரேஜ்

கருப்பு, பச்சை மற்றும் வெள்ளை என மூன்று வண்ணங்களில் வரவுள்ள ஒன்பிளஸ் 12 ஆனது 16ஜிபி வரை எல்பிடிடிஆர்5எக்ஸ் ரேம் மற்றும் 256 ஜிபி யுஎஃப்எஸ் 4.0 இன்டெர்னல் ஸ்டோரேஜைக் கொண்டிருக்கலாம். ஒன்பிளஸ் 12 இந்த ஆண்டு டிசம்பர் மாதம் சீனாவில் வெளியிடவுள்ளதாக கூறப்படுகிறது.