நானும், துணை முதல்வர் பன்னீர்செல்வமும் கருணாநிதியை நேரில் பார்த்தோம்! முதலமைச்சர் பழனிசாமி

திமுக தலைவர் கருணாநிதியின் உடல்நிலை சீராக உள்ளது என்று முதலமைச்சர் பழனிசாமி தெரிவித்துள்ளார்.

கருணாநிதி உடல்நிலை குறித்து விசாரிக்க சென்னையில் உள்ள காவேரி மருத்துவமனைக்கு தமிழக முதலமைச்சர் பழனிசாமி நள்ளிரவு 1 மணியளவில் வருகிறார் என்று தெரிவிக்கப்பட்டது.

ஆனால் அவர் நேராக தனது இல்லத்திற்கு சென்றார்.இந்நிலையில் தற்போது முதலமைச்சர் பழனிசாமி திமுக தலைவர் கருணாநிதியின் உடல்நிலை குறித்து விசாரிக்க காவேரி மருத்துவமனை சென்றார்.அவருடன் துணை முதலமைச்சர் ஓ.பன்னீர்செல்வம்,அமைச்சர்கள் செங்கோட்டையன், காமராஜ், விஜயபாஸ்கர், சி.வி.சண்முகம் உள்ளிட்டோரும் சென்றனர்.

பின்னர் காவேரி மருத்துவமனைரயில்  கருணாநிதியின் உடல்நிலை குறித்து  முதல்வரும் துணை முதல்வரும் கேட்டறிந்தனர்.உடன் அமைச்சர்கள் செங்கோட்டையன், சிவி சண்முகம், காமராஜ், விஜயபாஸ்கர் ஆகியோர்  இருந்தனர் என்பது குறிப்பிடத்தக்கது .

பின்னர் செய்தியாளர்களிடம் பேசிய முதலமைச்சர் எடப்பாடி பழனிசாமி,திமுக தலைவர் கருணாநிதியின் உடல்நிலை சீராக உள்ளது.அவர் நலமாக இருக்கிறார். நானும், துணை முதல்வர் பன்னீர்செல்வமும் நேரில் பார்த்தோம்.மேலும் திமுக தலைவர் கருணாநிதியின் உடல்நிலையை மருத்துவக்குழு தொடர்ந்து கண்காணித்து வருகிறது என்றும் கூறியுள்ளார்.

மேலும் செய்திகளுக்கு தினச்சுவடுடன் இணைந்திருங்கள்.