மலையாள நடிகர் சங்கத்தில் இருந்து மூன்று பிரபல நடிகைகள் அதிரடி விலகல்..!

கேரள மாநில மலையாள நடிகர்கள் சங்கத்தின் தலைவராக நடிகரும், எம்.பி.யுமான இன்னசென்ட் பதவி வகித்து வந்தார். இந்நிலையில் 17 ஆண்டுகளுக்கும் மேலாக சங்கத்தின் தலைவராக இருந்த வந்த இன்னசென்ட் உடல் நலக்குறைவால் பதவியிலிருந்து விலகினார்.

இதையடுத்து மலையாள நடிகர் சங்க பொதுக்குழு கூட்டம் நடைபெற்றது. இந்த கூட்டத்தின் போது சங்க தலைவராக நடிகர் மோகன்லால் போட்டியின்றி தேர்வு செய்யப்பட்டார். நடிகை ஒருவர் கடத்தல் வழக்கில் சிக்கி சிறை சென்றதால், நடிகர் சங்கத்தில் இருந்து திலீப் நீக்கப்பட்டிருந்தார். இந்த நிலையில், மீண்டும் திலீப் சங்க உறுப்பினராக சேர்க்கப்பட்டு உள்ளார்.

திலீப் மீண்டும் நடிகர் சங்கத்தில் சேர்க்கப்பட்டது மிகுந்த சர்ச்சையை ஏற்படுத்தியது. இது குறித்து நடிகை ரீமா கல்லிங்கல் மிகுந்த எதிர்ப்பு தெரிவித்தார். நடிகர் சங்கம் உணர்சியற்றதாக இருப்பதாக கூறினார். இதை தொடர்ந்து நான்கு நடிகைகள் சங்கத்தில் இருந்து வெளியேறினர்.

கேரளாவில் சினிமாவில் பெண்கள் கூட்டாளி என்ற அமைப்பு சில நடிகைகளால் நடத்தபட்டு வருகிறது. அதில் அவர்கள் உறுப்பினர்களாக உள்ளனர். அந்த அமைப்பு அதிராக பூர்வ பேஸ்புக்கில் இந்த தகவல் வெளியிடப்பட்டு உள்ளது.