சூரியமின் உற்பத்தியை ஊக்குவிக்க வேண்டும் : பன்வாரிலால் புரோகித்..!

ஆளுநர் பன்வாரிலால் புரோகித், சூரிய மின்சக்திதான் வருங்கால மின்சார தேவையை பூர்த்தி செய்யும் என்று  தெரிவித்துள்ளார்.

சூரியமின் உற்பத்தியை ஊக்குவிக்கும் வகையில் சென்னை ஐஐடியில் இன்று நடைபெற்ற கருத்தரங்கில், அவர் சிறப்பு விருந்தினராக பங்கேற்று உரையாற்றினார். அப்போது சூரிய மின்உற்பத்தி திட்டங்களை மத்திய அரசு ஊக்குவித்து வருவதாகவும், சலுகைகளையும் வழங்கி வருவதாகவும் ஆளுநர் கூறினார்.

சோலார் மின் உற்பத்திக்கான சாதனங்களின் இறக்குமதி வரி குறைக்கப் பட்டிருப்பதாக குறிப்பிட்ட பன்வாரிலால், அதை பயன்படுத்திக் கொண்டு மக்கள் அனைவரும் சூரிய மின் உற்பத்தியை பெருக்க முன்வர வேண்டுமென அறிவுறுத்தினார்.

தமிழகத்தில் சூரிய மின்சக்தி நிறுவுதிறன் இரண்டாயிரத்து 34 மெகாவாட்டாக உள்ளது என்றும், இதை மூவாயிரம் மெகாவாட்டாக உயர்த்த திட்டமிடப்பட்டிருப்பதாகவும் பன்வாரிலால் புரோகித் கூறினார்.