வருவாய்த்துறை அமைச்சர் உதயகுமார் எய்ம்ஸ் மருத்துவமனை அமைக்கத் தேர்வான நிலத்தில் ஆய்வு!

தமிழக வருவாய்த்துறை அமைச்சர் உதயகுமார் ,எய்ம்ஸ் மருத்துவமனை அமைப்பதற்குத் தேவையான அனைத்து அடிப்படை வசதிகளும் உள்ளதால் மதுரை மாவட்டம் தோப்பூர் எய்ம்ஸ் மருத்துவமனை அமைக்கத் தேர்ந்தெடுக்கப்பட்டுள்ளதாகத் தெரிவித்துள்ளார்.

தமிழக வருவாய்த்துறை அமைச்சர் உதயகுமார், மதுரை மாவட்ட ஆட்சியர் வீரராகவ ராவ், மாவட்ட வருவாய் அலுவலர், கோட்டாட்சியர் உள்ளிட்டோர் தோப்பூரில் எய்ம்ஸ் மருத்துவமனை அமைக்கப்பட உள்ள இடத்தைப் பார்வையிட்டு ஆய்வு செய்தனர்.

அதன்பின் செய்தியாளர்களிடம் பேசிய அமைச்சர் உதயகுமார், எய்ம்ஸ் மருத்துவமனை அமைப்பதற்காகக் கேட்ட அனைத்து வசதிகளும் இங்குள்ளதாகவும், கேட்டதைவிட அதிகமாக 262ஏக்கர் நிலம் ஒப்படைக்கப்பட உள்ளதாகவும் தெரிவித்தார்.

மேலும் செய்திகளுக்கு தினச்சுவடுடன் இணைந்திருங்கள்.