சென்னை அண்ணா பல்கலைக்கழகத்தில் இன்று பொறியியல் படிப்புகளுக்கு விண்ணப்பித்தவர்களுக்கான சான்றிதழ் சரிபார்ப்புப் பணி!மீண்டும் ஒரு வாய்ப்பு

சென்னை அண்ணா பல்கலைக்கழகத்தில் இன்று  பொறியியல் படிப்புகளுக்கு விண்ணப்பித்தவர்களுக்கான சான்றிதழ் சரிபார்ப்புப் பணிக்காக சிறப்பு முகாம் நடைபெறுகிறது.

பொறியியல் படிப்புகளுக்கான விண்ணப்பங்கள் மே 3ஆம் தேதி முதல் ஜூன் 2ஆம் தேதி வரை வழங்கப்பட்டன. 1 லட்சத்து 59 ஆயிரத்து 631 பேர் பொறியியல் படிப்புகளுக்கு விண்ணப்பித்த நிலையில் கடந்த 5ஆம் தேதி ரேண்டம் எண் வெளியிடப்பட்டது. கடந்த 8ஆம் தேதி தொடங்கிய சான்றிதழ் சரிபார்ப்புப் பணி அண்ணா பல்கலைக்கழகம் உட்பட தமிழகம் முழுவதும் 42 இடங்களில் நடைபெற்றது.

சான்றிதழ் சரிபார்ப்பு பணி கடந்த 14ஆம் தேதி நிறைவடைந்த நிலையில், தவிர்க்க இயலாத காரணங்களால் அதில் பங்கேற்க முடியாமல் போனவர்களுக்காக, இன்று சென்னை அண்ணா பல்கலைக்கழகத்தில் மட்டும் சான்றிதழ் சரிபார்ப்புக்கு சிறப்பு முகாம் நடைபெறுகிறது. இதிலும் பங்கேற்காதவர்கள் கலந்தாய்வுக்கு அழைக்கப்பட மாட்டார்கள் என்று அண்ணா பல்கலைக்கழக நிர்வாகம் அறிவித்துள்ளது.

மேலும் செய்திகளுக்கு தினச்சுவடுடன் இணைந்திருங்கள்.