ஒடிசாவிலிருந்து டெல்லிக்கு  பிரதமர் மோடி அளித்த வாக்குறுதியை நிறைவேற்ற வலியுறுத்தி நடைப்பயணம்!

ஒடிசாவில் இருந்து டெல்லிக்கு பிரதமர் மோடி அளித்த வாக்குறுதியை நிறைவேற்ற வலியுறுத்தி  நடைபயணம் மேற்கொண்டவர் ஆக்ராவில் மயங்கி விழுந்தார்.

சில ஆண்டுகளுக்கு முன் ஒடிசாவின் பிரமானி கிராமத்தில் பாலம் அமைத்துத் தருவதாகவும், இஸ்பத் பொது மருத்துவமனையை சூப்பர் ஸ்பெஷாலிடி மருத்துவமனையாக மேம்படுத்தித் தருவதாகவும் பிரதமர் அளித்த வாக்குறுதியை நிறைவேற்றக் கோரி அவரை சந்தித்து முறையிட சிற்பி பிஸ்வால் என்பவர் நடைபயணமாக சென்றார்.

ஆயிரத்து 350 கிலோமீட்டர் வரை நடந்த நிலையில் ஆக்ராவில் திடீரென மயங்கி விழுந்தார். மருத்துவமனையில் அனுமதிக்கப்பட்ட அவர், குணமடைந்தபின் மீண்டும் பயணத்தை தொடர்ந்து பிரதமரைச் சந்திப்பேன் என்றும் நம்பிக்கை தெரிவித்துள்ளார்.

மேலும் செய்திகளுக்கு தினச்சுவடுடன் இணைந்திருங்கள்.