Leo Tamil Poster: அனல் பறக்கும் லியோ போஸ்டர்! இந்த ஆயுத பூஜை செம்ம கலெக்ஷன்!
இயக்குனர் லோகேஷ் கனகராஜ் இயக்கத்தில் நடிகர் விஜய் நடிப்பில் உருவாகி வரும் திரைப்படம் லியோ. இந்த திரைப்படம் வரும் அக்டோபர் மாதம் 19-ஆம் தேதி தமிழ், தெலுங்கு, கன்னடம், மலையாளம், ஹிந்தி ஆகிய மொழிகளில் திரையரங்குகளில் வெளியாகவுள்ளது.
படத்தை பார்க்க இந்திய சினிமாவை மிகவும் ஆர்வத்துடன் காத்திருக்கும் நிலையில், படத்துக்கான ப்ரோமோஷன் பணிகள் தீவிரமாக தொடங்கியுள்ளது. அதன்படி, படம் வெளியாக இன்னும் சில நாட்கள் மட்டுமே இருக்கும் நிலையில், படத்தின் போஸ்ட் ப்ரொடக்சன் பணிகள் மும்மரமாக நடைபெற்று வருகிறது.
இந்நிலையில், லியோ படத்தின் அப்டேட் எப்போது தான் வெளியாகும் என காத்திருந்த ரசிகர்களுக்கு, நேற்று முன் தினம் முதல் அந்தந்த திரையுலகின் போஸ்டர்களை படக்குழு வெளியிட்டு வருகிறது.
இதுவரை தெலுங்கு மற்றும் கன்னட சினிமா போஸ்டர்கள் வெளியான நிலையில், நேற்று ஹிந்தி சினிமா போஸ்டர் வெளியாக இருந்தது. ஆனால், நடிகரும் இசையமைப்பாளருமான விஜய் ஆண்டனியின் மகள் மறைவு காரணமாக படக்குழு ஒத்திவைத்தது.
தற்பொழுது, அனல் பறக்கும் லியோவின் தமிழ் போஸ்டரை படக்குழு வெளியிட்டுள்ளது. அந்த போஸ்டரில் “KEEP CALM AND PREPARE FOR BATTLE” என்று வாசகம் குறிப்பிடப்பட்டுள்ளது. மேலும், மிளக தட்டி முட்டி.. என்ன குக் பண்றீங்க ப்ரோ என்று கேட்ட அனைவருக்கும் அக்டோபர் 19 அன்று விருந்து என்று X தள பக்கத்தில் பதிவிட்டுள்ளனர்.
