Arputham: முக்கோண காதலால் கந்தலான கதை! அற்புதம் படத்தில் லாரன்ஸ் செய்த அந்த செயல்!

இயக்குனர் அற்புதன் எழுதி, இயக்கிய அற்புதம் திரைப்படம் ஒரு முக்கோண காதல் திரைப்படமாகும். இப்படத்தில் ராகவா லாரன்ஸ், குணால், அனு பிரபாகர் ஆகியோர் நடித்துள்ளனர். மேலும், வையாபுரி, தாமு, லாவண்யா, நந்திதா, மகாநதி சங்கர் ஆகியோர் துணை கதாபாத்திரத்தில் நடித்துள்ளனர். இந்தத் திரைப்படம் பெங்காலி மொழியில் சஜானி (2004) என்ற பெயரில் ரீமேக் செய்யப்பட்டது. இந்த திரைப்படம் தமிழ் சினிமாவில் நீடித்து நிற்கும் இரண்டு கருத்துக்களில் ஒன்றான முக்கோணக் காதல் மற்றும் கந்தலான கதை தான்.

அசோக் (ராகவா லாரன்ஸ்) ஏழை இளைஞனாக தன் நண்பர்களுடன் அதிக நேரத்தை செலவிடுகிறான். நடுத்தரக் குடும்பத்தில் இருந்து வந்தாலும், அசோக்கிற்குப் பணம் சம்பாதிக்க வேண்டும் என்ற ஆசையோ, வாழ்க்கைத் தரத்தை உயர்த்துவதோ இல்லை. ஒரு நாள், அசோக் ப்ரியாவைச் சந்தித்து, அவளது அழகு மற்றும் குணத்தால் ஈர்க்கப்பட்டாள்.

படத்தின் கதையின்படி, அசோக் (ராகவா லாரன்ஸ்) ஏழை இளைஞனாக தன் நண்பர்களுடன் ஊதாரி தனமாக அதிக நேரத்தை செலவிடுகிறான். நடுத்தரக் குடும்பத்தில் இருந்து வந்தாலும், அசோக்கிற்குப் பணம் சம்பாதிக்க வேண்டும் என்ற ஆசையோ, வாழ்க்கையில் முன்னேற வேண்டிய எண்ணம் இல்லை. ஒரு நாள், அசோக் அனு பிரபாகர் (ப்ரியா)வை சந்தித்து, அவளது அழகு மற்றும் தன்மையான குணத்தால் காதல் வலையில் விழுந்து விடுகிறார்.

அசோக் ப்ரியாவை இம்ப்ரெஸ் செய்ய விரும்பி, அவரிடம் காதலை சொல்ல முன் வந்தாலும், அந்த காதலை பிரியா ஏற்கவில்லை. இருந்தாலும், காதலை ஏற்காவிட்டால் தற்கொலை செய்து கொள்வேன் என்று மிரட்டுகிறார் அசோக். பின்னர், தனது காதலில் ப்ரியாவுக்கு விருப்பமில்லை என்றாலும், முதலில் வாழ்க்கையில் ஏதாவது சாதித்துவிட்டு, பிறகு பிரியாவிடம் சொல்ல வேண்டும் என்று முடிவு செய்கிறான்.

இது அசோக்கின் வாழ்க்கையில் ஒரு புதிய மாற்றத்தைக் கொண்டு வருகிறது. பல முயற்சிகளுக்குப் பிறகு, அசோக் இறுதியாக ஒரு துரித உணவகத்தைத் தொடங்க முடிவு செய்தார், அது ஒரு நல்ல வெற்றியாக அமைகிறது. பின்னர் வங்கி மேலாளராக இருக்கும் அவரது நண்பர் குணால் (அரவிந்த்) நிதி உதவியால் அசோக் தனது தொழிலை படிப்படியாக வளர்த்துக் கொள்கிறார். ஆனால், அரவிந்த் – பிரியா  ஆகிய இருவரும் காதலிக்கிறார்கள் என்பது அசோக்கிற்கு தெரியாது.

நாளடைவில் அசோக் ஹோட்டல்கள், பல்பொருள் அங்காடி, ரியல் எஸ்டேட் போன்றவற்றில் விரிவடைந்து முன்னணி தொழிலதிபர்களில் ஒருவராக மாறுகிறார். இந்நிலையில், ஒரு தொலைக்காட்சி சேனல் ஒன்றில் பேட்டி அளிக்கையில், ​​அசோக் தனது வெற்றிக்கு முன் உதாரணமாக இருந்த காதலைப் பற்றி குறிப்பிடுகிறார். இதைக் கேட்டு அதிர்ச்சியடைந்த பிரியா, அர்விந்த் மற்றும் அசோக் காதலை தீர்த்து வைக்க முடிவு செய்தார்.

ஒருபக்கம் , அரவிந்த் மற்றும் அசோக்கின் நண்பர்கள் அசோக்கிடம் உண்மையை வெளிப்படுத்த முடியவில்லை. மறுபக்கம், அசோக் ஒரு பங்களாவைக் கட்டி அங்கேயே தன் திருமணம் நடக்க வேண்டும் என்று விரும்புகிறான். ஒரு கட்டத்தில், அரவிந்த், அசோக்கை பிரியாவை திருமணம் செய்து கொள்ள சம்மதிக்கிறார். பின்னர், பிரியா விருப்பம் இல்லாவிட்டாலும், அசோக்கை திருமணம் செய்து கொள்ள சம்மதிக்க.. திருமண நாள் அன்று பிரியாவிற்கும் அரவிந்திற்கும் இடையே நடக்கும் உரையாடலை அசோக் கேட்டு, எல்லா உண்மைகளையும் புரிந்து கொள்கிறான்.

எல்லாம் அறிந்த அசோக் தனது திருமணத்தை நிறுத்திவிட்டு பிரியாவை அரவிந்துடன் சேர்த்து வைக்க முடிவு செய்கிறார். இறுதியில், பிரியாவும் அரவிந்தும் திருமணம் செய்து கொள்கிறார்கள். இதனையடுத்து, வாழ்க்கையின் மதிப்பைப் புரிந்துகொண்டு வெற்றிகரமான நபராக மாறிய அசோக், பிரியாவுக்கு அசோக் நன்றி கூறினார்.

முதலில் திரைப்படம் போர் அடித்தாலும், இரண்டாம் கட்டத்தில் விறுவிறுப்பாக கொண்டு செல்கிறது. இயக்குனர் கண்ணியமான திரைக்கதையை கொண்டு லாரன்ஸை நடிக்க வைத்திருக்கிறார். அறிமுக இயக்குனராக இருந்தாலும் அற்புதனின் காட்சிகள் மற்றும் சிந்தனையுடன் எழுதப்பட்ட வரிகள் தனித்து நிற்கின்றன.