கோவிலுக்குச் செல்லும் வழியில் மினி லாரி மீது கார் மோதியதில் 3 பேர் பலி !

by கெளதம்Posted on August 30, 2023

குஜராத்தின் பதான் மாவட்டத்தில் நெடுஞ்சாலையில் மினி டிரக் மீது கார் மோதியதில் 3 பேர் சம்பவ இடத்தில் பலியாகினர்.

சுரேந்திரநகர் மாவட்டத்தில் உள்ள சோட்டிலா நகரத்திற்கு ஒரு கோவில் பிரார்த்தனைக்கு சென்று கொண்டிருந்த போது, சாமி-சங்கேஷ்வர் மாநில நெடுஞ்சாலையில் அவர்களது கார் சென்றுகொண்டிருக்கையில், பின்னால் வந்த மினிலாரி மீது கார் மோதி அதிகாலை 3 மணியளவில் விபத்து நடந்ததாக கூறப்படுகிறது.

உயிரிழந்தவர்கள் ஹஸ்முக் தக்கர் (36), பிந்து ராவல் (27) மற்றும் தஷ்ரத் ராவல் (26) என அடையாளம் காணப்பட்டனர். இவர்களது உடல்கள் பிரேதப் பரிசோதனைக்காக அரசு மருத்துவமனைக்கு அனுப்பி வைக்கப்பட்டது.