அதிமுக பொதுக்குழு கூட்டம்.! திமுக உண்ணாவிரத போராட்ட தேதியில் அதிரடி மாற்றம்.!

நீட் தேர்வில் இருந்து தமிழக மாணவர்களுக்கு விலக்கு அளிக்க வேண்டும் என கோரி நாளை தமிழகத்தில் உள்ள மாவட்ட தலைநகரங்களில் திமுக சார்பில் போராட்டம் நடத்தப்படும் என அறிவிக்கப்பட்டு இருந்தது.

திமுக இளைஞர் அணியினர், திமுக மருத்துவர் அணியினர், திமுக மாணவர் அணியினர் ஆகிய அணியினர் மட்டும் இந்த போராட்டத்தினை நடத்த உள்ளனர் என அறிவிக்கப்பட்டு இருந்தது.

இந்நிலையில், இந்த உண்ணாவிரத போராட்டமானது மதுரையில் மட்டும் நாளை நடைபெறாது என்றும், மதுரையில் வரும் 23ஆம் தேதி திமுக அணியினர் சார்பில் போராட்டம் நடைபெறும் என தெரிவிக்கப்பட்டுள்ளது.

ஏனென்றால் நாளை, மதுரையில் அதிமுக கட்சி சார்பில் பிரமாண்ட மாநாடு நடைபெற உள்ளது. இதன் காரணமாக நாளை தமிழகம் முழுவதும் இருந்து பல்வேறு ஊர்களில் இருந்து அதிமுக தொண்டர்கள் மதுரைக்கு வந்துகொண்டு இருக்கின்றனர். இந்த சமயம் திமுகவும் நாளை ஆர்ப்பாட்டம் நடைபெற்றால் அது தேவையில்லாத சட்ட ஒழுங்கு சிக்கலை ஏற்படுத்தும் என்பதால் இந்த முடிவு எடுக்கப்பட்டுள்ளது என அரசியல் வட்டாரத்தில் கூறப்படுகிறது.