ஆசிய கோப்பை டி-20 : பாகிஸ்தானை வீழ்த்தி இந்திய அணி..!

மலேசியாவில் நடைபெற்று வரும் ஆசிய கோப்பை டி-20 மகளிர் கிரிக்கெட் போட்டியில் பாகிஸ்தானை வீழ்த்தி இந்திய அணி இறுதிப் போட்டிக்கு முன்னேறியுள்ளது.

வங்காளதேசம், இந்தியா, மலேசியா, தாய்லாந்து, பாகிஸ்தான், இலங்கை ஆகிய 6 அணிகள் பங்கேற்ற இந்த தொடரின் அரை இறுதிப் போட்டியில் இந்திய அணியும் பாகிஸ்தான் அணியும் மோதின. முதலில் விளையாடிய பாகிஸ்தான் அணி நிர்ணையிக்கப்பட்ட 20 ஓவர்கள் முடிவில் 7 விக்கெட் இழப்புக்கு 72 ரன்கள் எடுத்து இருந்தது.

இதையடுத்து, 73 ரன்கள் எடுத்தால் வெற்றி என்ற இலக்குடன் விளையாடிய இந்திய அணி 16.1 ஓவர்களில் 75 ரன்கள் எடுத்து இலக்கை எட்டியது. இதன் மூலம் ஆசிய கோப்பை டி20 மகளிர் கிரிக்கெட் போட்டியின் இறுதிப் போட்டியில் இந்திய அணி நுழைந்தது. இந்திய அணி இதுவரை விளையாடிய 6 ஆசிய கோப்பை தொடரிலும் வெற்றி பெற்றுள்ளது குறிப்பிடத்தக்கது.