2024 ஆம் ஆண்டு ஐசிசி டி-20 உலகக்கோப்பை தொடர் ஜூன் மாதம் நடைபெற உள்ளதாக தகவல் வெளியாகியுள்ளது.
அடுத்த ஆண்டு நடைபெறும் டி-20 உலகக்கோப்பை தொடருக்கான நடத்தும் உரிமை அமெரிக்கா மற்றும் வெஸ்ட் இண்டீஸ் ஆகிய இரு நாடுகளும் ஏற்றுள்ள நிலையில் ஐசிசியும் அதற்கான அனுமதியை மீண்டும் வழங்கிய நிலையில், தொடரை அக்டோபர் மாதத்திலிருந்து ஜூன் மாதம் நடத்த அனுமதித்துள்ளதாக தகவல் வெளியாகியுள்ளது.
ஐசிசி டி-20 உலகக்கோப்பை தொடரின் 2024 ஆம் ஆண்டிற்கான பதிப்பு, ஜூன் 4 ஆம் தேதி தொடங்கி ஜூன் 30 வரை நடைபெறுவதாக கிரிக்கெட் வர்ணனையாளரான ஆகாஷ் சோப்ரா ட்விட்டரில் பதிவிட்டுள்ளார். இதற்கான புளோரிடா, மோரிஸ்வில், டல்லாஸ் மற்றும் நியூயார்க் ஆகிய நகரங்கள் ஐசிசி தரப்பில் சமீபத்தில் ஆய்வு மேற்கொள்ளப்பட்டதாகவும் அவர் குறிப்பிட்டுள்ளார்.
IPL-2024 to finish by 20th May then. If not earlier.
We are looking at mid-March start to the tournament… pic.twitter.com/WibpynVT5d— Aakash Chopra (@cricketaakash) July 29, 2023
மேலும் இந்தியாவில் நடக்கும் ஐபிஎல் தொடரும், ஐசிசி டி-20 உலகக்கோப்பையால் முன்கூட்டியே நடத்தி முடிக்க வாய்ப்பிருக்கிறது எனவும் அவர் தனது ட்விட்டர் பதிவில் தெரிவித்துள்ளார். அடுத்த ஆண்டு நாடாளுமன்ற தேர்தல் நடைபெறவுள்ள நிலையில் ஐபிஎல் தொடர் இந்தியாவில் நடைபெறுமா என்பது குறித்தும் ரசிகர்களிடையே சந்தேகம் எழுந்துள்ளது.