கார்கில் நினைவு தினம்.! திருச்சியில் மேஜர் சரவணனுக்கு மரியாதை செலுத்திய முதல்வர் மு.க.ஸ்டாலின்.! 

கார்கில் நினைவு தினத்தை முன்னிட்டு இன்று திருச்சியில் மேஜர் சரவணனுக்கு மரியாதை முதல்வர் மு.க.ஸ்டாலின் செலுத்தியுள்ளார். 

இன்று மற்றும் நாளை தமிழக முதல்வர் மு.க.ஸ்டாலின் திருச்சி மற்றும் தஞ்சை பகுதிக்கு சுற்றுப்பயணம் மேற்கொண்டுள்ளார். அங்கு பல்வேறு நிகழ்வுகளில் முதல்வர் கலந்து கொள்ள உள்ளார்.

திருச்சி விமான நிலையத்திற்கு வந்த முதல்வர் மு.க.ஸ்டாலின், இன்று கார்கில் போரில் இந்தியாவுக்குக்காக போர் புரிந்து உயிர்துறந்த வீரர்களை நினைவுகொள்ளும் தினத்தை முன்னிட்டு , திருச்சி கண்டோன்மண்டு பகுதியில் மேஜர் சரவணன் நினைவு தூணுக்கு மேஜர் சரவணன் புகைப்படத்திற்கு மலர் தூவி மரியாதை செலுத்தினார்.

இதனை அடுத்து, திருச்சி, சமயபுரம் பகுதியில் புரத்தாக்குடி ஊரில் மகளிர் உரிமை தொகை டோக்கன் வழங்க ஏற்பாடு செய்யப்பட்டுள்ள முகாமை நேரில் சென்று பார்வையிட உள்ளார். அதனை தொடர்ந்து, திருச்சியில் திமுகவினர் பயிற்சி பட்டறை நிகழ்வில் கலந்து கொள்ள உள்ளார்.

பயிற்சி பட்டறையில், வரும் நாடாளுமன்ற தேர்தல் குறித்தும் , அதற்கான வேலைகள் குறித்தும் பயிற்சி அளிக்கப்பட உள்ளது. இதனை அடுத்து நாளை காலை திருச்சியில் வேளாண் துறை சார்பில் ஏற்பாடு செய்யப்பட்டுள்ள 3 நாள் கண்காட்சியை முதல்வர் துவங்கி வைக்க உள்ளார். இதில் 50 ஆயிரம் விவசாயிகளுக்கு இலவச மின் இணைப்புகள் வழங்குகிறார் தமிழக முதல்வர் மு.க.ஸ்டாலின்.