சிறை காவலர் மிகைநேர பணிக்கான ஊதியம் உயர்வு.. அரசாணை வெளியீடு!

சிறை காவலர்களுக்கு மிகை நேர பணிக்கான ஊதியத்தை உயர்த்தி தமிழக அரசு அரசாணை வெளியிட்டுள்ளது.

தமிழக சிறைகளில் பணியாற்றும் காவலர்களுக்கான மிகைநேர பணிக்கான ஊதியத்தை உயர்த்தி தமிழக அரசு அறிவித்துள்ளது. முதல் மற்றும் இரண்டாம் நிலை சிறை காவலர்களுக்கு மிகை நேர பணிக்கான ஊதியத்தை உயர்த்தி தமிழக அரசு அரசாணை வெளியிட்டுள்ளது. அதன்படி, சிறை காவலர்களுக்கு மிகை நேர பணிக்கான ஊதியத்தை ரூ.2000 லிருந்து ரூ.500 ஆக உயர்த்தியது தமிழ்நாடு அரசு.

மிகை நேர பணிக்கான ஊதிய உயர்வுக்காக ரூ.3.24 கோடி ஒதுக்கீடு செய்யப்பட்டுள்ளது. கடந்த ஏப்ரல் மாதம் 27ம் தேதி சட்டப்பேரவையில் சிறைகள் மற்றும் சீர்த்திருத்த பணிகள் துறையின் கீழ் புதிய அறிவிப்புகளை வெளியிட்ட அமைச்சர் ரகுபதி, தமிழகத்தில் சிறைத்துறையில் பணியாற்றும் காவலர்களுக்கு மிகை நேர பணிக்கான ஊதியம் ரூ.200ல் இருந்து ரூ.500 ஆக உயர்த்தி வழங்கப்படும் என அறிவித்திருந்தார். இந்த நிலையில், சிறை காவலர்களுக்கு மிகை நேர பணிக்கான ஊதியத்தை உயர்த்தி அரசாணை வெளியிட்டுள்ளது.