தொலைதூர கல்வி! ஜூலை 5 முதல் விண்ணப்பிக்கலாம் – சென்னை பல்கலைக்கழகம் அறிவிப்பு

சென்னை பல்கலைக்கழகத்தின் தொலைதூர கல்வி படிப்பில் சேர ஜூலை 5-ஆம் தேதி முதல் விண்ணப்பிக்கலாம் என அறிவிப்பு.

சென்னை பல்கலைக்கழகத்தில் தொலைதூர கல்வி நிறுவனத்தில், 2023-24ம் ஆண்டு மாணவர் சேர்க்கைக்கு ஜூலை 5ம் தேதி முதல் விண்ணப்பிக்கலாம் என்று சென்னை பல்கலைக்கழகம் நிர்வாகம் அறிவித்துள்ளது.

அதன்படி, இளங்கலை, முதுகலை, பட்டயப்படிப்பு உள்ளிட்ட படிப்புகளுக்கு வரும் 5-ஆம் தேதி முதல் விண்ணப்பிக்கலாம். http://Online.Ideunom.ac.in என்ற இணையதளம் மூலம் தொலைதூர படிப்புகளுக்கு மாணவர்கள் விண்ணப்பக்கலாம் என கூறப்பட்டுள்ளது. மேலும், சென்னை பல்கலைக்கழக 64 கற்றல் உதவி மையம் மூலமாகவும் மாணவர்கள் சேரலாம் எனவும் அறிவிக்கப்பட்டுள்ளது.