அதிமுக முக்கிய நிர்வாகிகள், இன்று மாலை ஆளுனருடன் சந்திப்பு…
தமிழக ஆளுநரை அதிமுக மூத்த நிர்வாகிகள் இன்று மாலை சந்திக்கவுள்ளதாக தகவல்.
தமிழக ஆளுநர் ஆர்.என். ரவியுடன் அதிமுகவின் மூத்த நிர்வாகிகள் இன்று சந்திக்கவுள்ளதாக தகவல் வெளியாகியுள்ளது. தமிழகத்தின் சட்டம் ஒழுங்கு பற்றியும், மற்ற முக்கிய விவகாரம் குறித்தும் இந்த சந்திப்பில் பேசப்படவுள்ளதாக தகவல்கள் தெரிவிக்கின்றன.
தமிழகத்தில் நேற்று அமலாத்துறையினரால் அமைச்சர் செந்தில் பாலாஜி கைது செய்யப்பட்டு விசாரணைக்கு அழைத்துச்செல்லப்பட்டார். அப்போது நெஞ்சுவலி ஏற்பட்டதால் மருத்துவமனையில் அனுமதிக்கப்பட்டு ஆஞ்சியோ சிகிச்சை அளிக்கப்பட்டது, அதன்பின் பைபாஸ் அறுவை சிகிச்சை அளிக்க பரிந்துரைக்கப்பட்டதன் பேரில் அவருக்கு அறுவை சிகிச்சை செய்யப்படவுள்ளது.
இந்த நிலையில் தமிழ்நாட்டில் சட்டம் ஒழுங்கு சீர்கேடு மற்றும் செந்தில் பாலாஜியின் கைதில் அமலாக்கத்துறையின் விசாரணை குறித்தும், தமிழக ஆளுனரை சந்தித்து மனு அளிக்க அதிமுக தரப்பு முடிவு செய்துள்ளதாக தகவல் வெளியாகியுள்ளது. இன்று மாலை 4 மணிக்கு அதிமுக மூத்த நிர்வாகிகள் ஆளுனரை சந்தித்து மனு அளிக்கவுள்ளதாகவும் தகவல் வெளியாகியுள்ளது.
