இன்று மாலை சேலம் செல்கிறார் முதலமைச்சர் மு.க.ஸ்டாலின்.!

3 நாள் அரசு முறை பயணமாக இன்று மாலை சேலம் செல்கிறார் முதலமைச்சர் மு.க.ஸ்டாலின்.  

சேலம் மாநகரில், கலைஞர் சிலை திறப்புவிழா மற்றும் கலைஞர் நூற்றாண்டு பிறந்தநாள் தொடக்க விழாவில் கலந்துக் கொள்கிறார் முதலமைச்சர் மு.க.ஸ்டாலின். பின்னர், அங்கு ஈரடுக்கு பேருந்து நிலைய திறப்பு, உள்ளிட்ட பல திட்டங்களை திறந்து வைக்கிறார்.

மேலும், ஜூன் 12ஆம் தேதி டெல்டா பாசனத்திற்காக மேட்டூர் அணையில் இருந்து நீரை முதல்வர் திறந்து விடுகிறார். கடந்த ஆண்டு குறுவை சாகுபடிக்காக முன்கூட்டியே மே 24-ஆம் தேதி மேட்டூர் அணையில் இருந்து தண்ணீர் திறக்கப்பட்டது. தற்போது, வர மாதம் 12-ஆம் தேதி திறக்கப்பட உள்ளது என்பது குறிப்பிடத்தக்கது.