+2 முடித்த மாணவர்கள் கவனத்திற்கு…! இன்று வெளியாகிறது முக்கிய அறிவிப்பு..!

பொறியியல் கல்லூரியில் சேர விரும்பும் மாணவர்களுக்கு இன்று ரேண்டம் எண் வெளியீடு. 

தமிழகத்தில் 12 ஆம் வகுப்பு தேர்வு முடிவுகள் வெளியாகி உள்ள நிலையில், மாணவர்கள் தங்களது மேற்படிப்பை தொடருவதற்கான பல்வேறு முயற்சியில் ஈடுபட்டு வருகின்றனர். இந்த நிலையில், பொறியியல் கலந்தாய்வுக்கு விண்ணப்பிக்க நேற்று முன்தினத்தோடு கால அவகாசம் நிறைவடைந்தத்த்து.

இதனையடுத்து, பொறியியல் படிப்பில் சேர 2,28,122 மாணவர்கள் விண்ணப்பித்துள்ளனர். இதில் 1,86,000 மாணவர்கள் மட்டுமே கட்டணம் செலுத்தியுள்ளனர். கடந்த ஆண்டைவிட இந்த ஆண்டு கூடுதலாகவே மாணவர்கள் விண்ணப்பித்துள்ளனர்.

இந்த நிலையில், இன்று ரேண்டம் எண் வெளியிடப்பட உள்ளது. ரேண்டம் எண் என்பது தரவரிசை பட்டியலில் இரண்டு மாணவர்கள் ஒரே தர வரிசையில் வந்தால் மாணவர் சேர்க்கைக்கு ரேண்டம் எனப்படும் சமய வாய்ப்பு எண் வழங்கப்படுகிறது. சான்றிதழ்களை ஜூன்-9-ஆம் தேதி வரை பதிவேற்றம் செய்யலாம் என்று தெரிவிக்கப்பட்டுள்ள நிலையில், தரவரிசை பட்டியல் வரும் 26-ஆம் தேதி வெளியிடப்பட உள்ளது.