டாக்டரின் தம்பி மீது துப்பாக்கிச் சூடு..!

கடந்த ஆண்டு உத்தரப்பிரதேசம் மாநிலம் கோரக்பூரில் உள்ள அரசு மருத்துவமனையில் சிலிண்டர் சப்ளை நிறுத்தப்பட்டதால் 33 குழந்தைகள் பரிதாபமாக உயிரிழந்தன. அந்நிறுவனத்திற்கு பணம் தராததால், ஆக்சிஜன் சப்ளை நிறுத்தப்பட்டது.

இதனையடுத்து தனது சொந்த செலவில் சிலிண்டர்கள் வாங்கி பல குழந்தைகளின் உயிரை காப்பாற்றியவர் டாக்டர் கபில் கான். அரசுக்கு எதிராக பேசியதால் கைது செய்யப்பட்ட கபில் கான் கடந்த ஏப்ரல் மாதம் விடுவிக்கப்பட்டார். இந்நிலையில் அவரது சகோதரர் காசீப் கான், நேற்று பணி முடித்து வீட்டிற்கு திரும்பிக் கொண்டிருந்த போது, மர்மநபர்கள் அவர் மீது துப்பாக்கியால் சுட்டுள்ளனர்.

இதில் படுகாயமடைந்த அவர் மருத்துவமனையில் அனுமதிக்கப்பட்டு சிகிச்சை பெற்று வருகிறார். அவரது உடலில் இருந்து குண்டுகள் அகற்றப்பட்டாலும், அவரது உடல்நிலை மோசமாக இருந்தது. இந்நிலையில் அவரது உடல் தற்போது முன்னேற்றமடைந்து வருகிறது.

இது குறித்து டாக்டர் கபில் கான் கூறியதாவது, எனது சகோதரர் உடல் தற்போது முன்னேற்றமடைந்து வருகிறது. இந்த சம்பவம் குறித்து போலீசார் இன்னும் வழக்குப்பதிவு செய்யாமல் எனது தம்பியின் உடல்நிலை முன்னேற்றம் அடையும் வரும் வரை காத்துக்கொண்டிருக்கிறார்கள்.

ஏனெனில் அவர் கூறினால் தான் என்ன நடந்தது என்பது குறித்து தெரியவரும். ஆகையால் தான் போலீசார் வழக்குப்பதிவு செய்யாமல் தனது தம்பியின் உடல்நலத்திற்காக காத்துக்கொண்டிருக்கிறார்கள். காசீப் கான், முதல்வர் இல்லத்தில் இருந்து வெறும் 500 மீட்டர் தூரத்தில் நேற்றிரவு சுடப்பட்டார் என்று கூறியுள்ளார்.